Antıkordyń burynǵy basshysy Tatýbaev isi: qazir ne belgili?

Foto:Dalanews.kz

Antıkordyń burynǵy basshysy Talǵat Tatýbaev isine qatysty taǵy bir derek shyqty, dep habarlaıdy  qandastar.kz  Dalanews.kz-ke silteme jasap.

Tengrinews.kz Bas prokýratýraǵa resmı saýal joldaǵan.

«Sotaldy tergeý jalǵasyp, qosymsha dálel jınaýǵa baǵyttalǵan tergeý áreketteri júrgizilip jatyr», — dep jazylǵan jaýapta.

Eske salaıyq, buǵan deıin Antıkordyń burynǵy basshysy Talǵat Tatýbaev ustalǵany rastaldy. Bul aqparatty Bas prokýratýra rastady.

«3 shildede Qylmystyq kodekstiń 146-baby 2-bóliginiń 1), 2) tarmaqtarynda kózdelgen qylmysty (azaptaý) jasady degen kúdikpen Sybaılas jemqorlyqqa qarsy is-qımyl ulttyq bıýrosynyń burynǵy basshysy T.M. Tatýbaev ustaldy», — dep jazylǵan buǵan deıingi habarlamada.

Elmedia basylymynyń derekkózine súıensek, Talǵat Tatýbaevqa «BTA bank» qyzmetkerlerine qatysty azaptaý tásilderin qoldandy degen aýyr aıyp taǵylyp otyr. Bul derek burynnan beri quqyq qorǵaýshylar men advokattar tarapynan kóterilip kele jatqan, bank aktıvteri úshin bolǵan qaqtyǵys kezeńindegi iri istiń jalǵasy bolýy múmkin.