قارجى جانە تولەمدەر
انتيكوردىڭ بۇرىنعى ورىنباسارىنىڭ ىزدەۋدە جۇرگەن ءىنىسى ۇستالدى
فوتو: انتيكور
شىمكەنتتەگى سىبايلاس جەمقورلىققا قارسى ءىس-قيمىل دەپارتامەنتى باستىعىنىڭ بۇرىنعى ورىنباسارى ماقسات قوجاباەۆتىڭ ءىنىسى داۋرەنبەك قوجاباەۆ ۇستالدى, دەپ جازدى qandastar.kz
انتيكور داۋرەنبەك قوجاباەۆقا قاتىستى قىلمىستىق ءىستى تەرگەپ جاتىر.
inbusiness.kz بۇعان دەيىن حابارلاعانداي, داۋرەنبەك قوجاباەۆ قىلمىستىق جاۋاپكەرشىلىكتەن بوساتقانى ءۇشىن قالاداعى ورتا مەكتەپتەردىڭ ءبىرىنىڭ ديرەكتورىنان پارا الدى دەگەن كۇدىككە ءىلىندى.
“داۋرەنبەك قوجاباەۆ تەرگەۋدەن قاشۋىنا بايلانىستى وعان حالىقارالىق ىزدەۋ جاريالاندى. 30 قاراشادا سىبايلاس جەمقورلىققا قارسى ءىس-قيمىل اگەنتتىگى ۇلتتىق قاۋىپسىزدىك كوميتەتىمەن بىرلەسىپ جەدەل ىزدەستىرۋ ءىس-شارالارىن جۇرگىزدى. ناتيجەسىندە ول ۇستالىپ, ۋاقىتشا ۇستاۋ يزولياتورىنا قامالدى”, – دەپ مالىمدەدى سىبايلاس جەمقورلىققا قارسى ءىس-قيمىل اگەنتتىگى.
