Antıkordyń burynǵy orynbasarynyń izdeýde júrgen inisi ustaldy

Foto: Antıkor

Shymkenttegi sybaılas jemqorlyqqa qarsy is-qımyl departamenti bastyǵynyń burynǵy orynbasary Maqsat Qojabaevtyń inisi Dáýrenbek Qojabaev ustaldy, dep  jazdy qandastar.kz

Antıkor  Dáýrenbek Qojabaevqa qatysty qylmystyq isti tergep jatyr.

inbusiness.kz buǵan deıin habarlaǵandaı,  Dáýrenbek Qojabaev qylmystyq jaýapkershilikten bosatqany úshin qaladaǵy orta mektepterdiń biriniń dırektorynan para aldy degen kúdikke ilindi.

“Dáýrenbek Qojabaev tergeýden qashýyna baılanysty oǵan halyqaralyq izdeý jarııalandy. 30 qarashada Sybaılas jemqorlyqqa qarsy is-qımyl agenttigi Ulttyq qaýipsizdik komıtetimen birlesip jedel izdestirý is-sharalaryn júrgizdi. Nátıjesinde ol ustalyp, ýaqytsha ustaý ızolıatoryna qamaldy”, – dep málimdedi Sybaılas jemqorlyqqa qarsy is-qımyl agenttigi.