جاڭالىقتار
ءاپ-ساتتە نەسيە راسىمدەيدى: پوليتسيا قازاقستاندىقتاردى بەلگىسىز نومىردەن تۇسكەن ۆيدەوقوڭىراۋعا جاۋاپ بەرمەۋگە شاقىرادى
الاياقتارعا بىرەۋدىڭ اتىنا نەسيە راسىمدەۋگە دەرەكتەردى الۋ ءۇشىن بىرنەشە سەكۋند سويلەسسە جەتكىلىكتى. ءارى قاراي ولار قۇربانىنىڭ اككاۋنتىن بۇزىپ, ونىڭ اتىنان نەسيە راسىمدەيدى. سوندىقتان قر ىشكى ىستەر مينيسترلىگى قازاقستاندىقتاردى بەيتانىس نومىرلەردەن تۇسكەن ۆيدەوقوڭىراۋلارعا جاۋاپ بەرمەۋگە شاقىردى
. «الاياقتار ادامنىڭ بەت-بەينەسىن ءتۇسىرۋ ءۇشىن ۆيدەوقوڭىراۋمەن حابارلاسادى. الاياقتار بەينەقوڭىراۋ شالىپ, ادامنىڭ بەت-الپەتىن كوشىرىپ, ءموبيلدى بانكينگتە تەكسەرۋدەن وتكەن جاعدايلار بولدى.
بەيتانىس, اسىرەسە شەتەلدىك نومىرلەردەن كەلىپ تۇسكەن ۆيدەوقوڭىراۋلارعا جاۋاپ بەرمەڭىز. ال ەگەر جاۋاپ بەرگەن بولساڭىز, بۇل تۋرالى 102 ءنومىرى بويىنشا پوليتسيا قىزمەتكەرلەرىنە دەرەۋ حابارلاڭىز», – دەپ ەسكەرتەدى پوليتسيا.
