جاڭالىقتار
Apple Siri-ءدىڭ تىڭشىلىق ارەكەت انىقتالدى
Siri-ءدى قولداناتىن كەز كەلگەن قۇرىلعىنىڭ يەسى Apple كومپانياسىنا قارسى 95 ميلليون دوللارلىق ۇجىمدىق تالاپ ارىز شەڭبەرىندە وتەماقى تالاپ ەتۋگە قۇقىلى. بۇل تۋرالى qandastar.kz سايتى New York Post باسىلىمىنا سىلتەمە جاساپ حابارلايدى.
«لوپەس Apple-گە قارسى» دەپ اتالاتىن تالاپ ارىزدا داۋىس كومەكشىسى Siri-ءدىڭ ادامداردى اڭدىپ, سونداي-اق كەزدەيسوق قوسىلىپ كەتىپ, ولاردىڭ اڭگىمەلەرىن جازىپ العانى ايتىلعان.
ايىپتاۋعا سايكەس, كومەكشى جەكە اڭگىمەنى قولدانۋشىلاردىڭ «سالەم, Siri» دەگەن ءسوزىن كۇتپەستەن جازىپ العان. وسىلاتسشا, 2021 جىلى فۋميكو لوپەس پەن باسقا دا تۇتىنۋشىلار كاليفورنيانىڭ فەدەرالدى سوتىنا شاعىم تۇسىرگەن. ولار جازىلعان اڭگىمەلەردىڭ مەيرامحانالار مەن برەندتەر سياقتى ءۇشىنشى تاراپ كومپانيالارعا بەرىلگەنىن, سالدارىنان Apple Search پەن Safari-دە ماقساتتى جارناما كورسەتىلگەنىن مالىمدەدى.
زاڭنامالىق حابارلاماعا سايكەس, «2014 جىلدىڭ 17 قىركۇيەك پەن 2024 جىلدىڭ 31 جەلتوقسان ارالىعىندا Siri-ءدى قولداناتىن نەمەسە ساتىپ العان پايدالانۋشىلار Siri جەكە نەمەسە قۇپيا سويلەسۋ كەزىندە كەزدەيسوق قوسىلعانىن بايقاعان» تۇتىنۋشىلار ەندى وتەماقى الۋ ءۇشىن تالاپ ارىز بەرە الادى.
تالاپكەر الاتىن وتەماقى مولشەرى ارىز بەرگەن ادامداردىڭ سانىنا بايلانىستى. الايدا رەتتەۋ سايتىنىڭ مالىمەتىنشە, Siri بار ءبىر قۇرىلعى ءۇشىن وتەماقى سوماسى 20 دوللارمەن شەكتەلەدى جانە ءسىز بەس قۇرىلعىعا دەيىن ءوتىنىم بەرە الاسىز, ياعني ەڭ جوعارعى وتەماقى – 100 دوللار.
كەيبىر تۇتىنۋشىلار تالاپ ءنومىرى مەن راستاۋ كودىن كورسەتەتىن ەلەكتروندىق حات نەمەسە اشىقحات العان بولۋى مۇمكىن. وسىنداي حات العاندار بۇل اقپاراتتى پايدالانىپ, وتەماقى الۋ ءۇشىن رەتتەۋ سايتى ارقىلى تالاپ ارىز بەرە الادى.
