Apple Siri-diń tyńshylyq áreket anyqtaldy

Siri-di qoldanatyn kez kelgen qurylǵynyń ıesi Apple kompanııasyna qarsy 95 mıllıon dollarlyq ujymdyq talap aryz sheńberinde ótemaqy talap etýge quqyly. Bul týraly qandastar.kz saıty New York Post basylymyna silteme jasap habarlaıdy.

«Lopes Apple-ge qarsy» dep atalatyn talap aryzda daýys kómekshisi Siri-diń adamdardy ańdyp, sondaı-aq kezdeısoq qosylyp ketip, olardyń áńgimelerin jazyp alǵany aıtylǵan.

Aıyptaýǵa sáıkes, kómekshi jeke áńgimeni qoldanýshylardyń «Sálem, Siri» degen sózin kútpesten jazyp alǵan. Osylasha, 2021 jyly Fýmıko Lopes pen basqa da tutynýshylar Kalıfornııanyń federaldy sotyna  shaǵym túsirgen. Olar jazylǵan áńgimelerdiń meıramhanalar men brendter sııaqty úshinshi tarap kompanııalarǵa berilgenin, saldarynan Apple Search pen Safari-de maqsatty jarnama kórsetilgenin málimdedi.

Zańnamalyq habarlamaǵa sáıkes, «2014 jyldyń 17 qyrkúıek pen 2024 jyldyń 31 jeltoqsan aralyǵynda Siri-di qoldanatyn nemese satyp alǵan paıdalanýshylar Siri jeke nemese qupııa sóılesý kezinde kezdeısoq qosylǵanyn baıqaǵan» tutynýshylar endi ótemaqy alý úshin talap aryz bere alady.

Talapker alatyn ótemaqy mólsheri aryz bergen adamdardyń sanyna baılanysty. Alaıda retteý saıtynyń málimetinshe, Siri bar bir qurylǵy úshin ótemaqy somasy 20 dollarmen shekteledi jáne siz bes qurylǵyǵa deıin ótinim bere alasyz, ıaǵnı eń joǵarǵy ótemaqy – 100 dollar.

Keıbir tutynýshylar talap nómiri men rastaý kodyn kórsetetin elektrondyq hat nemese ashyqhat alǵan bolýy múmkin. Osyndaı hat alǵandar bul aqparatty paıdalanyp, ótemaqy alý úshin retteý saıty arqyly talap aryz bere alady.