الەۋمەت جانە قوعام
ءار بالا 5,5 مىڭ تەڭگەدەن جادەماقى الادى
فوتو: Kazinform
ەلىمىزدە 66,5 مىڭ وتباسىنداعى 352,2 مىڭ ادامعا اتاۋلى الەۋمەتتىك كومەك تاعايىندالدى. بيىل وسى ماقساتقا بيۋدجەتتەن 60,8 ملرد تەڭگە قاراستىرىلعان, – دەپ حابارلايدى قازاقپارات.
بۇرىن حابارلانعانداي, ااك نەگىزگى ماقساتى — اقشالاي تولەم تۇرىندە قولداۋ جانە وتباسىنىڭ ەڭبەككە قابىلەتتى مۇشەلەرىن جۇمىسپەن قامتۋعا جاردەمدەسۋدىڭ بەلسەندى شارالارىنا تارتۋ ارقىلى وتباسىن قيىن ومىرلىك جاعدايدان شىعارۋ.
ااك ماقساتى:
— تابىسى وڭىرلىك ەڭ تومەن كۇنكورىس دەڭگەيىنىڭ 70% اسپايتىن ازاماتتارعا توقسان سايىن الەۋمەتتىك كومەك تاعايىنداۋ;
— تابىسى از وتباسىلارداعى 1 جاس پەن 6 جاس ارالىعىنداعى ءار بالاعا 1,5 اەك (5 538 تەڭگە) مولشەرىندە اي سايىنعى قوسىمشا تولەم بەرۋ. 2024 جىلعى 1 ماۋسىمدا ااك الۋشىلار قاتارىنان مەكتەپ جاسىنا دەيىنگى 108,2 مىڭ بالاعا 2,5 ملرد تەڭگە سوماسىنا قوسىمشا تولەم تاعايىندالدى;
— جۇمىسقا ورنالاستىرۋ, ءوز ءىسىن اشۋعا نيەتتى وتباسىلارعا گرانت بەرۋ, بىلىكتىلىكتى ارتتىرۋ كۋرستارىنا جىبەرۋ (قاجەت بولعان جاعدايدا) جانە وزگە دە شارالار ارقىلى جۇمىسپەن قامتۋعا جاردەمدەسۋ.
قازىرگى ۋاقىتتا قازاقستاندىقتار ااك تاعايىنداۋعا ءوتىنىشتى تۇرعىلىقتى جەرى بويىنشا مانساپ ورتالىعىندا, اۋىل وكرۋگىنىڭ اكىمىنە سونداي-اق ەلەكتروندى ۇكىمەت پورتالى (egov.kz) ارقىلى بەرە الادى.
