ءار بالاعا 70 مىڭ تەڭگەدەن جاردەماقى تولەۋ تۋرالى: ەڭبەك مينيسترلىگى نە شەشتى

ەلىمىزدە 1,5 جاسقا تولعانعا دەيىنگى بالا كۇتىمى بويىنشا اي سايىنعى جاردەماقىنىڭ مولشەرى شامامەن 22 مىڭ تەڭگەنى قۇرايدى. دەپۋتاتتار بۇعان دەيىن بۇل تولەم كولەمىن 70 مىڭ تەڭگەگە دەيىن ءوسىرۋدى ۇسىنعان بولاتىن. تولەگەن وسپانقۇلوۆ بۇگىندەرى ء«بىر بالاعا 22 مىڭ تولەنەتىنىن» راستادى.

«بىراق بۇل رەتتە ەكىنشى, ءۇشىنشى, ءتورتىنشى بالاعا كەلگەندە, بۇل تولەم سوماسى ءوسىپ وتىرادى, بىراق, 70 مىڭدى قۇرامايدى, ارينە. بۇگىنگى تاڭدا ءبىزدىڭ مينيسترلىكپەن تولەمدەردىڭ 41 ءتۇرى جاسالادى. وسى تولەمدەردىڭ بارلىعىن وتەۋ ءۇشىن بىزگە رەسپۋبليكالىق بيۋدجەتتەن شامامەن 5,2 ملرد تەڭگە قاجەت», – دەدى ول.

Zakon.kz جازعانداي, ۆەدومستۆو ەسەپ جاساپ, ەگەر ءاربىر بالاعا 70 مىڭ تەڭگەدەن تولەنسە, وندا قازىرگى بالالار سانىنا شاققاندا تولەمدەردى جاساۋعا 5,7 ترلن تەڭگە قاجەت بولاتىنىن انىقتاعان.

«بۇل باعىتتا جۇمىستار جۇرگىزىلىپ جاتىر, بىراق بۇگىنگى تاڭدا بۇل سالىق تولەۋشىلەردىڭ اقشاسى ەكەنىن ەسكەرسەك, ءبىز بۇل سومانى زورايتا المايمىز دەپ ويلايمىن», – دەپ ءسوزىن قورىتىندىلادى تولەگەن وسپانقۇلوۆ.