«Ár dárigerge 6 mıllıon teńge»: Almatylyq dárigerlerdiń Nıý-Iorkke bir aptalyq sapary úshin bıýdjetten qyrýar qarajat bólingen

Foto: Stan.kz/ChatGPT arqyly jasalǵan

Áleýmettik jelide Almatydaǵy 24 aýrýhana men emhananyń dárigerleri 19 sáýirde Nıý-Iorkke barady degen aqparat tarady. Bir aptalyq saparda ár qatysýshyǵa 6 mıllıon teńgege jýyq qarjy bólinedi eken. Jelide taraǵan aqparatqa sáıkes, munyń bári konkýrssyz jáne bir jetkizýshi arqyly uıymdastyrylǵan, dep jazdy qandastar.kz

Bul týraly Stan.kzaqparat agenttigi habarlaıdy.

Aqparatty Iýlıa Blajnova esimdi Facebook qoldanýshysy málimdedi. Onyń aıtýynsha, dál osyndaı sapar 2024 jyldyń kúzinde Los-Andjeleske de jasalǵan. Ol kezde densaýlyq saqtaý basqarmasy bir jetkizýshimen 166,6 mıllıon teńgege eshqandaı konkýrssyz, tikeleı kelisimshart jasasqan.

“Mundaı satyp alýlar memlekettik satyp alý konkýrsyn jarııalamaı-aq júzege asyrylady. Únemi bir jetkizýshi arqyly oryndalady. Memlekettik satyp alý portalyndaǵy resmı aqparatqa sáıkes, Almaty qalasy boıynsha memlekettik satyp alý departamentine qarasty uıymdardyń bireýi ǵana atalǵan jetkizýshimen 2024-2025 jyldarǵa tendersiz, 166 mıllıon 620 myń teńgege tikeleı kelisimshart jasasqan”, – dep jazdy ol.

Blajnovanyń aıtýynsha, departament ár top dárigerleriniń janynda Almaty densaýlyq saqtaý basqarmasynyń qyzmetkeri bar degen aqparatty rastady.

«Almaty densaýlyq saqtaý basqarmasy basshysynyń aldynda bizdiń Londonda aptasyna 2 mıllıon 850 myń teńge turatyn biliktilikti arttyrý sabaǵy boıynsha usynysymyz baryn eskerý kerek. Nelikten Almaty densaýlyq saqtaý basqarmasy 2 mıllıon 850 myń teńge emes, alty mıllıondyq baǵdarlamalardy tańdady? Men densaýlyq saqtaý basqarmasyna 04.04.2025 jyly 3886CL kiris nómirine resmı saýal joldadym. Biraq olardan jaýap kelmedi», – dep jazdy Blajanova.

Atalǵan jaǵdaıǵa qatysty Stan.kztilshisi Almaty qalasynyń qoǵamdyq densaýlyq saqtaý basqarmasyna saýal joldady.

Basqarma málimetinshe, dárigerlerge qatysty biliktilikti arttyrý sabaǵy 19-26 sáýir aralyǵynda ótkiziledi.

«Nıý-Iork qalasynda «Densaýlyq saqtaý menedjmenti-AQSh tájirıbesi» taqyrybynda biliktilikti arttyrý 2025 jyly 19-26 sáýir aralyǵynda basqarmaǵa baǵynysty medıınalyq uıymdardyń ókilderi úshin ótkiziledi. Al London qalasynda «Densaýlyq saqtaý menedjmenti – Anglııa tájirıbesi» taqyrybynda biliktilikti arttyrý basqarmaǵa baǵynysty medıınalyq uıymdardyń ókilderi úshin 2025 jyly 11-18 mamyr aralyǵynda uıymdastyrylady», – delingen habarlamada.

Sondaı-aq jaýapta bir qatysýshyǵa joldama baǵasy 5 350 000 teńgeden 6 000 000 teńgege deıin ekeni rastalǵan. Al saparǵa baratyn dárigerlerdiń sany – 25. Osylaısha, barlyq dárigerlerdi oqytý aptasynyń quny 133-ten 150 mıllıon teńgege deıin.

Skrın: Memlekettik satyp alý veb-portalynan

Basqarma 2024 jyly Los-Andjeleske jasalǵan sapar barysyna da toqtaldy. Olardyń málimetinshe, bul sapar jumysshylardyń biliktiligin arttyrýǵa baǵyttalǵan ári bıyl uıymdastyrylǵan saparqa uqsas.

«Memlekettik satyp alý veb-portalyndaǵy sharttardy taldaý barysynda, 2024-2025 jyldar kezeńinde Basqarmanyń 166,6 mıllıon teńgeden astam somaǵa shart jasamaǵany anyqtaldy. Osyǵan baılanysty bul aqparat shyndyqqa sáıkes kelmeıdi. Memlekettik satyp alý veb-portalynda jasalǵan sharttar boıynsha aqparat jarııa sanatynda», – delingen habarlamada.

Densaýlyq saqtaý basqarmasynyń málimetinshe, dárigerlerdiń biliktiligin arttyrýǵa baǵyttalǵan saparǵa úkimetkerlerdi medıınalyq mekemelerdiń dırektorlary qabyldady.

Sapar nátıjesi qalaı boldy?

Nıý-Iorkte júrgende almatylyq dárigerler sýretke túsip, áleýmettik jelide jarııalady. El bıýdjetinen ár dárigerge 6 mıllıon teńge bólingenin Facebook paraqshasynda jarııalaǵan Iýlıa Blajnova jazbalardy jan-jaqty zerttegen. Ol medıına qyzmetkerleri barlyq nysandy jospar boıynsha aralady degenge senbeıtinin jetkizdi.

Foto: Iýlıa Blajnovanyń Facebook paraqshasynan alyndy

«Nıý-Iorkte bir apta ishinde tek úsh jumys sapary bolǵan. Qatysýshylar áleýmettik jelide úsh uıymǵa barǵandaryn ǵana habarlaǵan”, – dedi ol.

Onyń málimetinshe, «KAMADA Conference» JShS qurastyrǵan baǵdarlama boıynsha dárigerler árqaısysynda birneshe bólimsheleri bar bes medıınalyq uıymǵa barýy tıis bolǵan. Degenmen almatylyq medıına qyzmetkerleriniń naqty qansha mekemege barǵany belgisiz.