«Ár inisine úı alyp bergen»: Aıs Muratovaǵa aldanǵan qazaqstandyqtar alaıaqtyń týystarynyń da jazalanýyn talap etip otyr

Foto: vıdeodan skrın

Aıs Muratova esimdi kelinshekke aldanyp, aqshasynan aıyrylǵan halyq alaıaqtyń aqshany ózine ǵana emes, týystaryna da aýdarǵanyn aıtady. Jábirlenýshiler alaıaqtyqpen kelgen aqsha men qymbat múlikterdiń tárkilenip, aqshalaryn qaıtarýyn talap etip otyr. Bul týraly qandastar.kz KTK arnasyna silteme jasap habarlaıdy.

Alaıaqqa aldanǵan myńǵa jýyq jábirlenýshi Qytaıdan arzanǵa taýar alyp, kásibin dóńgeletemiz dep oılaǵan.

“Baǵasy tıyn boldy. Mysaly, bizde 11 myńdyq sháınekter myń jarym teńge, myń teńge bolyp shyǵatyn. Qasyqtary 700-800-1000 teńgeden asyp ketse, solaı bop shyǵatyn. Aýrý boldyq, ishimizdegi balamyz tústi, óz-ózimizge qol jumsaǵan kún de boldy. Qan qysymym jıi kóteriledi. Qatty sharshadym”, – deıdi Taraz turǵyny Gúlnáz Málikova.

Jábirlenýshiler Aıs Muratovaǵa kózsiz senbegen. Aıtýynsha, alaıaq bastapqyda taýar jiberip turǵan. Osylaısha, suranys artqan. Olar tipti, kóterme saýdamen aınalysqysy keletin ózge adamdardan onlaın tapsyrys jınaǵan. Aqshany jınap alǵan soń alaıaqtar halyqty san soqtyrǵan.

“Jan-jaqtan jep jatyr. Aqshamyzdy qaıtar, biz Aısty tanymaımyz, biz saǵan saldyq, sen aqshany qaıtar bizge, qalaı bolsa da taýyp ber, qaı kezde beresiń, kúnde jazady, kúnde telefon soǵady, tynyshtyq joq”, – deıdi ashynǵan almatylyq turǵyn.

Aqshasyn qaıtara almaı júrgen halyq “Aıs Muratova” degen laqap atpen tanymal Araılym Qojamuratovanyń jaqyndary men týystary da jazalansyn dep otyr.

“О́zimde myń adam bar. Myń adamınan tapsyrys alyp, Aısqa 100 mıllıonnyń ústinde taýarǵa aqsha ótkizdim. Aqshany tek ózi emes, bútin týma-týysqany, inilerine jibertkizdi. Bári Gelendvagen, neshe túrli qymbat-qymbat, 60 mıllıon, 130 mıllıonnyń kóligin aıdap júr. Ár inisine, anasyna úı satyp alyp bergen”, – deıdi Oral turǵyny Marına Ǵapsattarova.

Kúdikti qazir ýaqytsha ustaý ızolıatorynda otyr. Byltyr tamyz aıynda oǵan qatysty alaıaqtyq boıynsha qylmystyq is qozǵaldy. Tergeý jumystarynyń jalǵasyp jatqanyna bir jyldaı ýaqyt boldy.

“Almaty polıııa departamentiniń tergeý basqarmasy QK 190-babynyń 4-tarmaǵy boıynsha qylmystyq isti tergeýde. Asa iri kólemde, alaıaqtyq deregi boıynsha. Qylmystyq is júrgizý kodeksimen kózdelgen barlyq tergeý júrgizilip jatyr”, – dep málimdedi Almaty polıııa departamentiniń ókili Saltanat Ázirbek.

Kúdiktige aldanǵan halyq Almaty prokýrorynyń orynbasary qabyldaýynda bolyp, talap-aryzdaryn aıtty. Prokýror alaıaqtyqqa qatysy bar adamdardyń bir jazalanady dep ýáde berdi.

Aıta keteıik, «Kásibimdi jaýyp, 52 mıllıon teńge saldym» dep Aıs Muratova esimdi kelinshekke aldanǵan bir top qazaqstandyq zańgermen birge polıııa departamentine jınalǵan edi.