جاڭالىقتار
«ءار جۇرگىزۋشى كۇنىنە 50 شاقىرىمنان كوپ جۇرمەۋى كەرەك»: inDrive جاۋاپ بەردى
فوتو: اشىق دەرەككوز
inDrive كومپانياسى ءوز قوسىمشاسىنا تىركەلگەن ءار جۇرگىزۋشىە كۇنىنە 50 شاقىرىمنان ارتىق جۇرۋگە تىيىم سالۋدى ۇسىنعان كولىك مينيسترلىگىنىڭ ۇسىنىسىنا جاۋاپ بەردى, دەپ حابارلايدى Ulysmedia.kz.
inDrive پوزيتسياسى
كەيىنىرەك inDrive كومپانياسى قاراباەۆقا جاۋاپ بەرگەن.
– inDrive سەرۆيسى قازاقستان نارىعىندا 10 جىلدان بەرى جۇمىس ىستەپ كەلەدى. سودان بەرى ءبىز رەتتەۋشى ورگانداردىڭ تالاپتارىن قاتاڭ ساقتاپ كەلەمىز. بۇگىنگى تاڭدا inDrive ەلدەگى ەڭ تانىمال ونلاين ساياحاتشى قوسىمشاسى. مۇنداي ساپارلاردىڭ ىڭعايلىلىعى — جۇرگىزۋشىمەن كەز-كەلگەن قالاعا ىڭعايلى ۋاقىتتا ءارى كەلىسكىن باعامەن بارۋعا بولادى, – دەگەن كومپانيانىڭ پوزيتسياسىن كەلتىرەدى كۋرسيۆ.
inDrive «قالاارالىق ساياحاتتىڭ ماكسيمالدى قاشىقتىعىن شەكتەۋ جونىندە شەشىم كوپ جولاۋشى مەن جۇرگىزۋشىگە اسەر ەتەدى» دەپ مالىمدەدى.
– بۇل ماسەلەنى نارىققا قاتىستى ادامداردىڭ ءبارى كولىك مينيسترلىگىمەن بىرلەسىپ پىسىقتاۋى قاجەت, — دەپ تۇيىندەدى كومپانيا.
قاراباەۆتىڭ ۇسىنىسى
ەسكە سالا كەتەيىك, بۇعان دەيىن كولىك ءمينيسترى مارات قاراباەۆ ينتەرنەت ارقىلى تاكسي قىزمەتىن كورسەتەتىن ازاماتتاردىڭ جۇمىسىنا ءبىرشاما وزگەرىستەر ەنگىزىلەتىنىن ايتقان ەدى. قاراباەۆ باسقا ەلدەردە يندايۆەر سەكىلدى اگرەگاتتاردىڭ حالىقتىڭ ىشىندە تاكسي قىزمەتىن كورسەتۋگە قۇقىعى جوقتىعىن ايتادى.
– ولاردا شەكتەۋ 50 شاقىرىم بولادى. ودان اسىرۋعا قاقىسى جوق. مۇمكىن سونداي ىستەيمىز بە دەگەن ۇسىنىس بار. يندرايۆەرمەن تابىس تاۋىپ وتىرعان جىگىتتەر بارىن بىلەمىز. بىراق ونداي بولسا, باسقا تالاپتاردى قويۋىمىز كەرەك. ويتكەنى جول اپاتى ەڭ كوپ بولىپ جاتقان ماسەلەلەر – اسىققاننان, كولىك جۇرگىزۋشىسىنىڭ دۇرىس ۇيىقتاماي, جۇرە بەرۋىنەن. سونداي ماسەلەلەر بار, – دەيدى ول.
مارات قاراباەۆ دەسە دە بۇل ناقتى قابىلدانعان شەشىم ەمەس ەكەنىن, ازىرگە ۇسىنىستار ەكەنىن اتاپ وتەدى. الايدا سول كۇنى مارات قاراباەۆتىڭ ۇسىنىسىنا قاتىستى پارلامەنت دەپۋتاتى اسحات ايماعامبەتوۆ پىكىر ءبىلدىرىپ, ونىڭ سوزىنە “قارابايىر قاتە تۇسىنىك” دەپ باعا بەردى.
