جاڭالىقتار
ارال اۋدانىندا سۋمەن جابدىقتاۋ جۇيەسىن سالۋعا 4 ملرد تەڭگە ءبولىندى
فوتو: اشىق دەرەككوز
قايتارىلعان اكتيۆتەردىڭ 4 ملرد تەڭگەدەن استامى قىزىلوردا وبلىسىنداعى ارال اۋدانىندا سۋمەن جابدىقتاۋ جۇيەلەرىنىڭ قۇرىلىسىن اياقتاۋعا ءبولىندى, دەپ جازدى qandastar.kz
مەملەكەت باسشىسىنىڭ تاپسىرماسىنا سايكەس ۇكىمەت ەلگە قايتارىلعان زاڭسىز شىعارىلعان اكتيۆتەر ەسەبىنەن الەۋمەتتىك ماڭىزدى ينفراقۇرىلىم سالۋ جونىندەگى جوبالاردى ىسكە اسىرۋدا.
3 مىڭنان استام حالقى بار توقاباي جانە اباي اۋىلدارىن ورتالىقتاندىرىلعان اۋىز سۋمەن قامتاماسىز ەتۋ ماقساتىندا ارال–سارىبۇلاق توپتىق سۋ قۇبىرىنا قوسىلاتىن ارال–توقاباي–اباي ماگيسترالى تارماعىنىڭ قۇرىلىسى جۇرگىزىلۋدە. جوبانىڭ ىسكە اسىرىلۋى 2021 جىلى باستالعان. ونى اياقتاۋ ءۇشىن قوسىمشا 3,7 ملرد تەڭگە قاجەت. قارجى ءبولۋ تۋرالى شەشىم قابىلداندى. نىساندى 2025 جىلدىڭ سوڭىنا دەيىن پايدالانۋعا بەرۋ جوسپارلانىپ وتىر.
شامامەن 400 تۇرعىنى بار اقباستى اۋىلىندا ارال–سارىبۇلاق توپتىق سۋ قۇبىرىنا قوسىلاتىن قوسمان–اقباستى ماگيسترالى تارماعىنىڭ قۇرىلىسى اياقتالۋعا جاقىن. جوبانىڭ قۇنى – شامامەن 2,4 ملرد تەڭگە, ونىڭ 1,8 ملرد تەڭگەسى يگەرىلگەن. قالعان 524 ملن تەڭگەسى ارناۋلى مەملەكەتتىك قوردان ءبولىندى. نىساندى بيىل ىسكە قوسۋ جوسپارلانۋدا.
وسى جوبالاردى ىسكە اسىرۋ ساپالى سۋعا تىكەلەي قول جەتكىزۋدى قامتاماسىز ەتە وتىرىپ, جاڭا ەكونوميكالىق مۇمكىندىكتەرگە جول اشادى, اۋىل تۇرعىندارىنىڭ تۇرمىس ساپاسىن ەداۋىر جاقسارتۋعا جاعداي تۋعىزادى.
سۋمەن جابدىقتاۋ جۇيەسىن سالۋ جانە جاڭعىرتۋ ۇكىمەت جۇمىسىنىڭ ماڭىزدى باسىم مىندەتتەرىنىڭ ءبىرى بولىپ سانالاتىنىن اتاپ ءوتۋ قاجەت. ءىس-شارالار مەملەكەت باسشىسىنىڭ قالالار مەن اۋىلداردى اۋىز سۋمەن 100% قامتۋ جونىندەگى تاپسىرماسىن ورىنداۋ شەڭبەرىندە جۇرگىزىلۋدە
