Aral teńizine taǵy sý jiberildi

Foto: : nu2017.wordpress.com

Sý únemdeý tehnologııalaryn engizýdiń nátıjesinde Aral teńizine 200 mln tekshe metr sý jiberildi, dep habarlaıdy qandastar.kz   Sý resýrstary jáne ırrıgaııa mınıstrligine silteme jasap.

Qyzylorda oblysynyń sharýalary sý únemdeý tehnologııalaryn engizýdiń nátıjesinde 200 mln tekshe metrge jýyq sý únemdedi.

Aıta keteıik, bıyl óńirdiń dıhandary 55 myń gektar kúrish alqabynda sý únemdeý tehnologııalaryn qoldandy. Qyzylorda oblysyndaǵy kúrish alqaptarynyń jalpy aýdany 84 myń gektar.

Osylaısha, 2024 jylǵy sýarý maýsymynda teńizge shamamen 1 mlrd tekshe metr sý jiberildi, bul ótken jylmen salystyrǵanda 3 ese kóp.

Jyl basynan beri Soltústik Aralǵa shamamen 2 mlrd tekshe metr sý jiberildi. Búgingi tańda teńizdegi sýdyń jalpy kólemi 22 mıllıard tekshe metrge jetti.

«Sý dıplomatııasy men Ortalyq Azııadaǵy áriptesterimizben tyǵyz jumystan bólek, Aral teńizine sý jiberýge únemdi tehnologııalardy engizý de mańyzdy ról atqarady. Olardy qoldaný júzdegen mln tekshe metr sý únemdeýge jáne ony teńizge baǵyttaýǵa múmkindik beredi. Ol úshin biz sharýalardyń sý únemdeý tehnologııalaryn engizýge jumsaǵan shyǵyndaryn sýbsıdııalaý kólemin 50%-dan 80%-ǵa deıin ulǵaıttyq. Aldaǵy úsh jylda sý únemdeý tehnologııalarymen sýarmaly sýdy paıdalanatyn sharýa qojalyqtary úshin sýbsıdııa mólsheri 50%-dan 85%-ǵa deıin ulǵaıady», – dedi Sý resýrstary jáne ırrıgaııa mınıstri Nurjan Nurjigitov.