جاڭالىقتار
ارالدا جاساندى جاڭبىر تەحنولوگياسىن جاساعان التاي اينابەك لەوناردو دي كاپريودان كومەك سۇرادى
فوتو: اگىق دەرەككوز
ارال تەڭىزى ماسەلەسىن كوتەرىپ جۇرگەن, “جاڭبىر ادام” لاقاپ اتىمەن تانىلعان التاي اينابەك امەريكالىق اكتەر لەوناردو دي كاپريودان كومەك سۇرادى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.
التاي اينابەك ارالدا ەكولوگيالىق اپاتتان كۇن سايىن زارداپ شەگىپ جاتقانداردىڭ اتىنان سويلەپ جاتقانىن ايتتى. سونداي-اق ول ءبىر كەزدەرى ۇلى تەڭىز بولعان جەردىڭ قالدىقتارىنىڭ اراسىندا ءومىر ءسۇرىپ جاتقانىن جەتكىزدى.
“قۇرمەتتى لەوناردو دي كاپري جانە بارشى اسىل جاندار! تىنىس العان كەزدە تۇزدىڭ اششى ءيىسى كەلەتىن الەمدە ءومىر ءسۇرىپ جاتقانىڭىزدى ەلەستەتىپ كورىڭىز. ءبىر كەزدەرى ءنار بەرگەن جەر قازىر توزاڭعا اينالعان. بۇل ورتالىق ازياداعى ميلليونداعان ادامدار ءۇشىن اششى شىندىق. ارال تەڭىزىنىڭ قۇرعاعان تابانىنان شىققان تۇزدى جەل تاسىپ, الىس-جاقىن ماڭعا تاراپ, توپىراقتى, سۋدى, اۋانى ۋلاندىرىپ جاتىر”, – دەيدى ول.
سونداي-اق ول مۇنىمەن ماسەلە بىتپەيتىنىن, ارالدىڭ تۇبىنەن جەل ارقىلى ۇشقان تۇز ازيانىڭ سۋ مۇنارالارى» بولعان قۇدىرەتتى گيمالايعا جەتەتىنىن ايتتى.
