«ارالتۇز» باسشىسى اس تۇزىنا دارەت سىندىرعان

فوتو: جاس الاش

زاۋىتتىڭ جۇمىسشىلارى ونىڭ ۆيدەوسىن Jas Alash رەداكتسياسىنا جولداعان, دەپ حابارلايدى qandastar.kz

«ارالتۇز» اق-نىڭ كۇزەتشىسى مەيرامبەك باۋبەكوۆتىڭ ايتۋىنشا, مەكەمە ديرەكتورى جاقىن ماڭداعى اجەتحانانى قولدانباي, تۇز قويماسىنا دارەت سىندىرۋدى ادەتكە اينالدىرعان.

«وعان بۇل ءىسى بولمايدى, جاقىن جەردە اجەتحانا بار عوي» دەگەن سياقتى جۇمسارتىپ ايتتىق. باستىق قوي. قاتتى ايتا دا المايمىز. ايتپەسە, شامامەن 50 مەتر جەردە اجەتحانا بار. سوعان بارمايدى. تۇز دەگەن اس قوي, اسقا دارەت سىندىرعاندى قالاي تۇسىندىرەسىز. ەندى سونى ايتقان ەدىم. مەنى قۋدالاپ جاتىر», — دەيدى كۇزەتشى.

زاۋىتتىڭ تاعى ءبىر قىزمەتكەرى بۇل اقپاراتتى راستاپ, مەكەمەدە تازالىق تالاپتارى ساقتالمايتىنىن مالىمدەگەن. ونىڭ ايتۋىنشا, جۇمىسشىلارعا ارنايى تسەحقا ارنالعان كيىم مەن اياق كيىم بەرىلمەيدى. ولار اجەتحاناعا كيىپ بارعان اياق كيىمدەرىمەن جۇمىس ىستەي بەرەدى.

ال ديرەكتوردىڭ بۇل ارەكەتى بەينەلەنگەن ۆيدەو تاراپ كەتكەن سوڭ, جۇمىسشىلارعا قىسىم كۇشەيگەن. ارال قالاسىنىڭ سانيتارلىق-ەپيدەميولوگيالىق باقىلاۋ باسقارماسى تازالىق ەرەجەلەرىنىڭ بۇزىلۋىنا بايلانىستى تسەح باسشىلىعىنا ايىپپۇل سالعانىمەن, جاعداي تۇزەلمەگەن.

ماقالا اۆتورى زاۋىت باسشىسى سەرىك قادىكەشوۆتىڭ تۇزعا دارەت سىندىرعانىن مويىنداماعانىن حابارلايدى.