«Araltuz» basshysy as tuzyna dáret syndyrǵan

Foto: Jas Alash

Zaýyttyń jumysshylary onyń vıdeosyn Jas Alash redakııasyna joldaǵan, dep habarlaıdy qandastar.kz

«Araltuz» AQ-nyń kúzetshisi Meırambek Baýbekovtyń aıtýynsha, mekeme dırektory jaqyn mańdaǵy ájethanany qoldanbaı, tuz qoımasyna dáret syndyrýdy ádetke aınaldyrǵan.

«Oǵan bul isi bolmaıdy, jaqyn jerde ájethana bar ǵoı» degen sııaqty jumsartyp aıttyq. Bastyq qoı. Qatty aıta da almaımyz. Áıtpese, shamamen 50 metr jerde ájethana bar. Soǵan barmaıdy. Tuz degen as qoı, asqa dáret syndyrǵandy qalaı túsindiresiz. Endi sony aıtqan edim. Meni qýdalap jatyr», — deıdi kúzetshi.

Zaýyttyń taǵy bir qyzmetkeri bul aqparatty rastap, mekemede tazalyq talaptary saqtalmaıtynyn málimdegen. Onyń aıtýynsha, jumysshylarǵa arnaıy ehqa arnalǵan kıim men aıaq kıim berilmeıdi. Olar ájethanaǵa kıip barǵan aıaq kıimderimen jumys isteı beredi.

Al dırektordyń bul áreketi beınelengen vıdeo tarap ketken soń, jumysshylarǵa qysym kúsheıgen. Aral qalasynyń sanıtarlyq-epıdemıologııalyq baqylaý basqarmasy tazalyq erejeleriniń buzylýyna baılanysty eh basshylyǵyna aıyppul salǵanymen, jaǵdaı túzelmegen.

Maqala avtory zaýyt basshysy Serik Qadykeshovtyń tuzǵa dáret syndyrǵanyn moıyndamaǵanyn habarlaıdy.