«ارالتۇز» رەسەيدىڭ ينتەرنەت كەڭىستىگىندە تارالعان اقپاراتقا قاتىستى جاۋاپ بەردى

«ارالتۇز» كومپانياسى وندىرەتىن «سلاۆيانوچكا» تۇزىنىڭ قۇرامىندا شىنى بار دەگەن اقپارات جالعان. بۇل جايىندا اتالعان كومپانيانىڭ رەسمي سايتىندا جاريا ەتىلگەن اقپاراتتا ايتىلعان.

كومپانيا مالىمەتىنشە, سوڭعى ۋاقىتتا ينتەرنەت جەلىسىندە «ارالتۇز» وندىرەتىن ونىمدەرگە قاتىستى نەگىزسىز شابۋىلدار كوبەيىپ كەتتى. بۇعان قاتىستى اقپاراتتاردىڭ بارلىعى جالعان. ودان كەيىن اقپاراتتىق مايدان رەسەيلىك ينتەرنەت-كەڭىستىكتە ءورشىپ, «ارالتۇز» وندىرەتىن «سلاۆيانوچكا» تۇزىنىڭ قۇرامىنا شىنى بار دەگەن اۋديو جانە ۆيدەو جان-جاقتى تاراعان.

«ارالتۇز» اق سوڭعى ۋاقىتتا الەۋمەتتىك جەلىدە تاراعان اقپاراتتىڭ شىندىققا جاناسپايتىندىعىن رەسمي مالىمدەيدى. «سلاۆيانوچكا» تۇزىنىڭ قۇرامىندا اداما اعزاسىنا مۇلدەم زيانى جوق ەپسوميت پەن استراحانيت سىندى تابيعي مينەرالداردان تۇراتىن ەرىمەيتىن تۇنبا بار. قايتا وڭدەۋگە كەلەتىن شيكىزات ەكولوگيالىق تۇرعىدا تازا. «ارالتۇز» اق-نىڭ بارلىق ونىمدەرى ەاەو اۋماعىنداعى تاۋەلسىز اككرەديتەللەن زەرتحانالاردا تەكسەرىلىپ, سايكەستىك دەكلاراتسياسىن الادى. ءبىز «ارالتۇز» اق-نىڭ اس تۇزى ەكولوگيالىق تازا ءارى الەمدىك ستاندارتتارعا ساي ەكەندىگىن نىق سەنىممەن ايتا الامىز», — دەپ اتاپ وتەدى كومپانيادان.

وسى ورايدا, نۇر-سۇلتان قالالىق تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى ساداقاس بايعابىلوۆ رەسەيدەگى قازاقستان تۇزىنا قاتىستى جاريالانىمدارعا پىكىر ءبىلدىردى. سونىمەن قاتار, ول «ارالتۇز» ونىمدەرىنە زەرتحانالىق زەرتتەۋلەر جۇرگىزىلەتىندىگىن ەسكەرتتى.

دەرەككوز: https://www.inform.kz/