«Araltuz» Reseıdiń ınternet keńistiginde taralǵan aqparatqa qatysty jaýap berdi

«Araltuz» kompanııasy óndiretin «Slavıanochka» tuzynyń quramynda shyny bar degen aqparat jalǵan. Bul jaıynda atalǵan kompanııanyń resmı saıtynda jarııa etilgen aqparatta aıtylǵan.

Kompanııa málimetinshe, sońǵy ýaqytta ınternet jelisinde «Araltuz» óndiretin ónimderge qatysty negizsiz shabýyldar kóbeıip ketti. Buǵan qatysty aqparattardyń barlyǵy jalǵan. Odan keıin aqparattyq maıdan reseılik ınternet-keńistikte órship, «Araltuz» óndiretin «Slavıanochka» tuzynyń quramyna shyny bar degen aýdıo jáne vıdeo jan-jaqty taraǵan.

«Araltuz» AQ sońǵy ýaqytta áleýmettik jelide taraǵan aqparattyń shyndyqqa janaspaıtyndyǵyn resmı málimdeıdi. «Slavıanochka» tuzynyń quramynda adama aǵzasyna múldem zııany joq epsomıt pen astrahanıt syndy tabıǵı mıneraldardan turatyn erimeıtin tunba bar. Qaıta óńdeýge keletin shıkizat ekologııalyq turǵyda taza. «Araltuz» AQ-nyń barlyq ónimderi EAEO aýmaǵyndaǵy táýelsiz akkredıtellen zerthanalarda tekserilip, sáıkestik deklaraııasyn alady. Biz «Araltuz» AQ-nyń as tuzy ekologııalyq taza ári álemdik standarttarǵa saı ekendigin nyq senimmen aıta alamyz», — dep atap ótedi kompanııadan.

Osy oraıda, Nur-Sultan qalalyq taýarlar men qyzmetterdiń sapasy men qaýipsizdigin baqylaý departamentiniń basshysy Sádaqas Baıǵabylov Reseıdegi Qazaqstan tuzyna qatysty jarııalanymdarǵa pikir bildirdi. Sonymen qatar, ol «Araltuz» ónimderine zerthanalyq zertteýler júrgiziletindigin eskertti.

Derekkóz: https://www.inform.kz/