«ارامىز ءبىراز جاس: ايگۇل قوسانوۆا العاش رەت كۇيەۋى تۋرالى بار شىندىقتى ايتتى

ءداستۇرلى ءانشى, دومبىراشى, پروفەسسور, قازاقستاننىڭ حالىق ءارتىسى ايگۇل قوسانوۆا «مامسكي اڭگىمە» پودكاستىندا قوناقتا بولىپ, بالالىق شاعى, العاشقى ۇستازدىق قادامى, ونەر جولى مەن وتباسىلىق ءومىرىنىڭ ەڭ شىنايى ساتتەرى تۋرالى سىر شەرتتى, دەپ حابارلايدى Qandastar.kz.

ء«سىز جاڭا جولداسىمنىڭ جاسى مەنەن ۇلكەندەۋ دەپ ايتتىڭىز. جاس ايىرماشىلىعى – 14 جاس. بۇل قۇپيا ەمەس شىعار. ونىڭ ۇستىنە, جولداسىڭىزدىڭ وسىنىڭ الدىندا وتباسى بولعان ەكەن, ەكى بالاسى بار ەكەن. ءسىز 25-تەسىز, ول كىسى 39-دا, بۇرىنعى وتباسى بار. وسى نارسەلەر سىزگە قيىن بولمادى ما?», – دەپ سۇرادى تەلەجۇرگىزۋشى.

«ارينە, ءوزىنىڭ قيىندىعى بولدى. ءبارى كەرەمەت دەپ ايتۋعا بولمايدى. قازاقتىڭ «تەڭ-تەڭىمەن, تەزەك قابىمەن» دەگەن كەرەمەت ءسوزى بار عوي. وسى ماسەلەنى انام كوپ ايتقان. «ەسىك كورگەندى ەمەس, بەسىك كورگەندى ال» دەگەن ءسوز بار. بۇل مەنىڭ تاعدىرىم شىعار دەپ قابىلدايمىن. قازىر ارىپتەستەرىم: «بۇرىن وقىپ جۇرگەن كەزدە, ايگۇل, سەن بىزگە قارامايتىنسىڭ. ساعان جاقىنداۋ مۇمكىن بولمادى», – دەيتىن. ولار وزدەرى كىشكەنە قورقاقتىق تانىتقان شىعار. وسى تۇرعىدان مەنىڭ جولداسىم پىسىقتاۋ بولدى. وسى باعىتتا وزىنە ماقسات قيوىپ, جۇمىس ىستەگەن شىعار دەپ ويلايمىن», – دەپ جاۋاپ بەردى ايگۇل قوسانوۆا.