«Aramyz biraz jas: Aıgúl Qosanova alǵash ret kúıeýi týraly bar shyndyqty aıtty

Dástúrli ánshi, dombyrashy, professor, Qazaqstannyń halyq ártisi Aıgúl Qosanova «Mamskıı áńgime» podkastynda qonaqta bolyp, balalyq shaǵy, alǵashqy ustazdyq qadamy, óner joly men otbasylyq ómiriniń eń shynaıy sátteri týraly syr shertti, dep habarlaıdy Qandastar.kz.

«Siz jańa joldasymnyń jasy menen úlkendeý dep aıttyńyz. Jas aıyrmashylyǵy – 14 jas. Bul qupııa emes shyǵar. Onyń ústine, joldasyńyzdyń osynyń aldynda otbasy bolǵan eken, eki balasy bar eken. Siz 25-tesiz, ol kisi 39-da, burynǵy otbasy bar. Osy nárseler sizge qıyn bolmady ma?», – dep surady telejúrgizýshi.

«Árıne, óziniń qıyndyǵy boldy. Bári keremet dep aıtýǵa bolmaıdy. Qazaqtyń «teń-teńimen, tezek qabymen» degen keremet sózi bar ǵoı. Osy máseleni anam kóp aıtqan. «Esik kórgendi emes, besik kórgendi al» degen sóz bar. Bul meniń taǵdyrym shyǵar dep qabyldaımyn. Qazir áriptesterim: «Buryn oqyp júrgen kezde, Aıgúl, sen bizge qaramaıtynsyń. Saǵan jaqyndaý múmkin bolmady», – deıtin. Olar ózderi kishkene qorqaqtyq tanytqan shyǵar. Osy turǵydan meniń joldasym pysyqtaý boldy. Osy baǵytta ózine maqsat qıoyp, jumys istegen shyǵar dep oılaımyn», – dep jaýap berdi Aıgúl Qosanova.