«اراسىندا پوليتسەي دە بار»: تۇركىستان وبلىسىندا براكونەرلەر ۇستالدى

تۇركىستان وبلىسىندا ءتورت براكونەر ۇستالدى. ولاردىڭ اراسىندا پوليتسيا قىزمەتكەرى دە بار, دەپ حابارلايدى  Skifnews.kz اقپارات پورتالى ەكولوگيا جانە تابيعي رەسۋرستار مينيسترلىگىنىڭ سايتىنا سىلتەمە جاساپ.

«2024 جىلعى 22 قازاندا تۇركىستان وبلىسىنىڭ اۋماعىندا ء«وحوتزووپروم»وب» رمقك جاەت ينسپەكتورلارى جامبىل جانە الماتى وبلىستارىنىڭ ءتورت تۇرعىنىن, ونىڭ ىشىندە جاناتاس قالاسىندا ۋچاسكەلىك ينسپەكتور بولىپ جۇمىس ىستەيتىن پوليتسيا قىزمەتكەرىن ۇستادى», – دەلىنگەن حابارلامادا.

تىركەۋ نومىرلەرى جوق «تويوتا لەند كرۋزەر» ماركالى اۆتوكولىكتى تەكسەرۋ بارىسىندا سالونىنان 16 كيىك ۇشاسى, 13 كيىك باس بولىگى مەن مۇيىزدەرى, 12-كاليبرلى 2 تەگىس ۇڭعىلى قارۋ (بىرىندە يدەنتيفيكاتسيالىق ءنومىردىڭ جويىلۋ بەلگىلەرى بار), 59 پاترون جانە 4 پروجەكتور (فار) تابىلعان. ماتەريالدار ءارى قاراي تەرگەۋ ءۇشىن قۇقىق قورعاۋ ورگاندارىنا تاپسىرىلدى.