جاڭالىقتار
«ارداق نازاروۆ ءاليا نازارباەۆانىڭ وققاعارى ما»: ءماجىلىس دەپۋتاتى شىنىن ايتتى
فوتو: اراشا.كز
ءماجىلىس دەپۋتاتى ارداق نازاروۆ Adal ADAM youtube ارناسىنا بەرگەن سۇحباتىندا «ءاليا نازارباەۆانىڭ وققاعارى» دەگەن قاۋەسەتكە نۇكتە قويدى, دەپ جازادى qandastar.kz
«2004 جىلى رەسەيدىڭ حاباروۆسك قالاسىندا الەم كۋبوگىندا توبەلەستىم. سول كەزدە ورىستاردىڭ ينتەرنەتكە جازعان كوممەنتاريىن وقىپ, ءوزىم تاڭعالدىم. «ول نازارباەۆتىڭ قىزىنىڭ وققاعارى بولىپ جۇمىس ىستەيدى» دەپتى. بىراق ناقتى قاي قىزى ەكەنىن ايتپاعان, اتى اتالماعان. ءوزىم تاڭعالىپ قالدىم شىنىمەن. پرەزيدەنتتىڭ جانۇياسىنىڭ وققاعارى بولۋ ءۇشىن سوپ-تا (پرەزيدەنتتىڭ كۇزەت قىزمەتى) جۇمىس ىستەۋىم كەرەك. وعان جۇمىسقا كىرۋ ءۇشىن مەنىڭ بويىم 180 سم-دەن جوعارى بولۋ كەرەك. مەنىڭ بويىم – 170 سم, سالماعىم 72 كگ ول كەزدە. سوپ تۇگىلى, مەنى دەسانتقا دشب-عا الماي قويعان عوي. ءاليانىڭ وققاعارى دەگەن اقىلعا سىيمايدى. بويىم دا كەلمەيدى, دەنەم دە كەلمەيدى. ونداي ماماندىعىم دا جوق. بىراق ءالى كۇنگە دەيىن قاۋەسەت رەتىندە ايتىلىپ كەلدى. سونىڭ نۇكتەسىن قوياتىن بولساق, تۇبەگەيلى جوققا شىعارام. ول كىسىنى كورمەگەم دە, بىلمەيمىن دە. بىراق پرەزيدەنتتىڭ 3 قىزى بار ەكەنىن, اتتارى قانداي ەكەنىن بىلەمىز», – دەدى ارداق نازاروۆ.
