Ardaq Nazarov: Kezinde qylmys serkeleri qatarǵa qosylýǵa shaqyrdy

Foto: skrın

Májilis depýtaty Ardaq Nazarov Adal ADAM youtube arnasyna bergen suhbatynda qylmys áleminiń serkeleri ózderiniń qataryna qosylýǵa shaqyrǵanyn aıtty, dep jazady qandastar.kz

«Almatyǵa 1994 jyly oqýǵa túsip, 1998 jyly bitirdim. 2000 jyldan bastap jarysqa shyǵa bastadym. Sol kezde «Tórt aǵaıyndy», «Ataba» aǵalarymyz ózderiniń qataryna kóp shaqyrdy. Shyn máninde aǵalarymyz ǵoı, qazaqtyń úlken aǵalary, qaıtys bolyp ketti. Bizdi aqshaǵa qyzyqtyrdy. Qasymdaǵy birtalaı jigit óz tańdaýlaryn jasap, erip ketti. Sol ýaqytta bárimiz de jigit bolǵannan keıin oılar boldy. Biraq men durys emes baǵytqa bet bursam, kóz aldyma anamnyń jylaǵan beınesi men kishkentaı inim Beıbittiń beınesi keledi únemi. Sodan keıin meniń jolym emes degen oıǵa kelem. Men 1994 jyly qatarlastarym Almatydaǵy Qajymuqan sport mektebine tústi. Sol jigitterdiń eshqaısysy oqýdy bitirmedi. Kóbisi durys emes jolǵa tústi, túrmege qamaldy. Kóp bala solaı shatasyp qaldy. Al men qurylys kolledjine tústim de ol balalarmen aralaspaı qaldym. Keıin ózim sportpen jeke kettim. Jastar elikteıtin jol emes. Ol jolda mindetti túrde bireýge qııanat jasaısyń, bireýdiń dúnıesin tartyp alasyń, bireýdi urasyń, bireýdiń belin syndyrasyń. Al qııanat jasaǵan adamnyń artynda kim tur, anasy tur. Ol seni qarǵaıdy, al qarǵaǵannan keıin sen ómirde sonyń keıpin keshesiń nemese basqa jaǵdaıǵa dýshar bolasyń», – dedi depýtat.

Ardaq Nazarovtyń aıtýynsha, 1990 jyldary jáne 2000 jyldardyń basynda Almatyǵa jigitter top-top bolyp kelip, qylmystyq toptarǵa qosylyp, ómirin qutty. Kóbi qaza bolyp, túrmege tústi.
«Ataba», «Tórt aǵaıyndy», «Sary Almas», «Qara Almas» sııaqty aǵalarymyzdyń qasynda dana ustazdar bolyp, batyrlarymyzdyń batyrlarymyzdyń energııasyn jaqsylyqqa, elge qyzmet jasaýǵa burǵanda ǵoı, qanshama is bitiretin edi. Degenmen zaman sondaı boldy. Olardyń jigittik shaǵy aýmaly tókpeli zamanǵa saı kelip, osy joldy tańdap ketti. Ol zamanǵa da biz syn aıta almaımyz», – dedi Ardaq Nazarov.