ارداق نازاروۆ ءوزىن سىناعاندارعا جاۋاپ بەردى

فوتو:atekps.edu.kz

ءماجىلىس وتىرىسىندا اناسىن تۋعان كۇنىمەن قۇتتىقتاپ, سىنعا قالعان دەپۋتات ارداق نازاروۆ بۇل جاعدايعا قاتىستى پىكىر ءبىلدىردى, دەپ حابارلايدى qandastar.kz

ونىڭ ايتۋىنشا, بۇل ارەكەت ءماجىلىستىڭ ەتيكا كوميسسياسىندا قارالماعان.

«جوق, قارالعان جوق. نەگە قارالۋى كەرەك? مەن قىلمىس جاساعان جوقپىن, ەشكىمگە زيان تيگىزگەن جوقپىن. تەك اناما دەگەن قۇرمەتىمدى ءبىلدىردىم. ءسىز دە اناسىز عوي, ەگەر بالاڭىز ءسىزدى اقوردادان قۇتتىقتاسا, ارينە قۋانار ەدىڭىز. مۇندا ەشقانداي ابەستىك جوق. پارلامەنتتە دە ەشكىم قارسى پىكىر بىلدىرگەن جوق, كەرىسىنشە باسشىلىق تا, ارىپتەستەرىم دە قولدادى», – دەدى نازاروۆ.

دەپۋتاتتىڭ ايتۋىنشا, ونى سىناپ جۇرگەندەر – ءوز اتا-اناسىنا قۇرمەتى جوق ادامدار.