«ارقايسىڭىز جاساي الاسىزدار»: بايان ماقساتقىزى ايەلدەرگە ءوزى سياقتى جاتتىعۋ جاساۋعا كەڭەس بەردى

بەلگىلى پروديۋسەر بايان ماقساتقىزى قىز-كەلىنشەكتەرگە جاس كورىنۋدىڭ قىر-سىرىمەن ءبولىسىپ, كۇندەلىكتى جاتتىعۋ جاساۋعا كەڭەس بەردى, دەپ حابارلايدى KYN.KZ اقپارات اگەنتتىگى.

پروديۋسەر جەلىدەگى پاراقشاسىنا جاتتىعۋ جاساپ جاتقان ۆيدەوسىن جۇكتەگەن.  ول كوپ قارالىم جيناپ, كوپ قىز-كەلىنشەكتەر تاڭدانىسىن ءبىلدىرىپتى. الايدا, بايان ماقساتقىزى جاتتىعۋ جاساۋ كەز كەلگەن ايەلدىڭ قولىنان كەلەتىنىن ايتتى. ءوزى يوگامەن اينالىسىپ كەلە جاتقانىنا 4 جىل بولىپتى.

«ارقايسىڭىز جاساي الاسىزدار, ءدال وسىنداي ناتيجەگە دە قول جەتكىزە الاسىز. مەن يوگامەن ناتيجەگە جەتۋ ءۇشىن اينالىسپايمىن. ەگەر مەن ءبىر-ەكى كۇن ساباقتان قالسام, اياعىم اۋىرلاپ, قانىم دۇرىس جۇرمەي قالادى. يوگادان كەيىن كوڭىل كۇيىڭىز كوتەرىلىپ, ءوزىڭىزدى سەرگەك سەزىنەسىز. بىرەۋگە تاپسانىپ قاجەت ەمەس, ورنىڭىزدان تۇرىپ, سىزدە جاساڭىز», – دەدى ول.

ول ادامنىڭ جاس مولشەرىن ونىڭ جۇرىسىنەن بايقاۋعا بولاتىنىن ايتتى. پروديۋسەر ايەلدەردى كۇنىنە جارتى ساعات وزىنە ۋاقىت بولۋگە شاقىردى.

«ءجۇرىسىڭىز جەڭىلدەي تۇسەدى. ادامنىڭ جاس مولشەرىن ونىڭ ءجۇرىسى كورسەتەدى دەپ ءجيى ايتامىن. يوگا – بۇل تەك ءجۇرۋدى عانا ەمەس, ومىرگە دەگەن كوزقاراستى جەڭىلدەتەدى», – دەيدى ول.