جاڭالىقتار
«ارقىراپ اكەسى تۇرسا, ونى قاي ەركەك بۇلاي باسىنادى?»: قىزىنا قامقور بولماعان قالدىبەك قۇرمانالى سىننىڭ استىندا قالدى
فوتو: inbusiness.kz
سوندىقتان بۇل جەردە ءبىر جانقوشتىڭ عانا ەمەس, اكەسىنىڭ دە كىناسى بار. ءارى ءانارۋدىڭ تانىمال اقىن اتانىپ جۇرگەن اناسىن دا جاستايىنان الداپ, 2 بالانى تۋعىزىپ, تاستاپ كەتكەنى تاعى بار دەگەندەي…
ءوزىن ءانارۋ قالدىبەكپەن ءبىر ۋنيۆەرسيتەتتە وقىدىم دەپ تانىستىرعان فەيسبۋك قولدانۋشىسى جانقوشتان بولەك قالدىبەك قۇرمانالىنى دە كىنالى دەپ اتادى. اقگۇل ايداربەكقىزىنىڭ جازۋىنشا, بەلگىلى كومپوزيتور قىزىنا ءبىر كەزدەرى قول ۇشىن سوزۋدان باس تارتقان, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.
ء«انارۋ قالدىبەكپەن ءبىر ۋنيۆەردە وقىپ, ءبىر اقىندار ورتالىعىنا بارعانبىز. ءوزى وتە ونەرلى, ەرەكشە انشىلىك قابىلەتى بار قىز بولدى. (بۇنداي تاقىرىپتاردا پوست جازبايتىن ەدىم, قىز تاعدىرى قور بولىپ بارا جاتقان سوڭ بىلگەنىمدى قوسا كەتەيىن).
اقىندار ورتالىعىندا جۇرگەندە ءانارۋدىڭ قاتتى كۇيزەلىپ جۇرگەنىن كوردىم. انام ومىردەن ءوتىپ كەتتى دەپ ءجيى جىلاپ قالاتىن. ونى بىزبەن بىرگە بىرنەشە قىز-جىگىتتەر كوردى. ءبىر كۇنى “اكەممەن كەزدەسەتىن بولدىق. اكەمنەن انشىلىك ورتاعا كىرۋىمە كومەكتەسۋىن سۇرايىن با?” دەپ بىزبەن ۇزا-ا-اق اقىلداستى, ءبىر جاعىنان سۇراۋعا قىسىلىپ, ىڭعايسىزدانىپ تۇرعانىن بايقادىق. ءبىز: “ارينە, اكەڭ عوي, تانىمال ادام, ءبىر جاعىنان سول سالانىڭ قازانىندا قايناپ ءجۇر, اكەڭنىڭ ول قولىندا تۇرعان دۇنيە” دەپ قوشتاي كەتتىك. سويتسەك, اكە دەگەن بارىندە بىردەي بولا بەرمەيدى ەكەن.
كەزدەسۋدەن كەيىن “اكەم كومەكتەسپەيتىن بولدى” دەپ كوڭىلسىز ءجۇردى… قاراپ تۇرسام, انارۋعا (بالا كەزىنەن دەمەي-اق قويايىن) سول بارعان كەزىندە (ول كەزدە شاماسى جاسى 21-22-دە بولدى-اۋ) كومەكتەسىپ جىبەرسە, بۇل وقيعا ورىن الماس ەدى-اۋ…
ءانارۋدىڭ ارتىندا ارقىراپ اكەسى تۇرسا, ونى قاي ەركەك بۇلاي باسىنادى.
ال اكەسى قايتتى? “قانشا بالام بار ەكەنىن ساناعان دا جوقپىن” دەپ مالىمدەدى ەمەس پە? بۇل اكەسىنەن ءتۇرى دە, ءۇنى دە, قۇداي بەرگەن تالانتى دا اۋماي قالعان ءانارۋدىڭ جۇرەگىنە قالاي باتقانىن ەلەستەتىپ كورىڭىز ەندى…
سوندىقتان بۇل جەردە ءبىر جانقوشتىڭ عانا ەمەس, اكەسىنىڭ دە كىناسى بار. ءارى ءانارۋدىڭ تانىمال اقىن اتانىپ جۇرگەن اناسىن دا جاستايىنان الداپ, 2 بالانى تۋعىزىپ, تاستاپ كەتكەنى تاعى بار دەگەندەي…
قىسقاسىن ايتقاندا, بىرەۋىن زاڭ سوتىنا, بىرەۋىن ار سوتىنا سالۋعا قوعام بولىپ ۇلەس قوسۋىمىز كەرەك. ءانارۋدى قارالاماس بۇرىن, قىز ءوسىرىپ, قارىنداس, اپكە, ءسىڭىلىمىزدىڭ بەتىنە قاراپ وتىرعانىمىزدى ەسكە ءتۇسىرىپ قويايىق…», – دەپ جازدى ول.
ەستەرىڭىزگە سالا كەتەيىك, تانىمال قازاقستاندىق بوكسشى جانقوش تۇراروۆقا قىز زورلادى دەگەن ايىپ تاعىلعان ەدى. كەيىننەن ول قىزدىڭ ءانارۋ قالدىبەك ەكەنى بەلگىلى بولدى.
