Jańalyqtar
«Arqyrap ákesi tursa, ony qaı erkek bulaı basynady?»: Qyzyna qamqor bolmaǵan Qaldybek Qurmanáli synnyń astynda qaldy
Foto: inbusiness.kz
Sondyqtan bul jerde bir Janqoshtyń ǵana emes, ákesiniń de kinási bar. Ári Ánarýdyń tanymal aqyn atanyp júrgen anasyn da jastaıynan aldap, 2 balany týǵyzyp, tastap ketkeni taǵy bar degendeı…
О́zin Ánarý Qaldybekpen bir ýnıversıtette oqydym dep tanystyrǵan feısbýk qoldanýshysy Janqoshtan bólek Qaldybek Qurmanálini de kináli dep atady. Aqgúl Aıdarbekqyzynyń jazýynsha, belgili kompozıtor qyzyna bir kezderi qol ushyn sozýdan bas tartqan, dep habarlaıdy qandastar.kz Skifnews.kz aqparat portalyna silteme jasap.
«Ánarý Qaldybekpen bir ýnıverde oqyp, bir aqyndar ortalyǵyna barǵanbyz. О́zi óte ónerli, erekshe ánshilik qabileti bar qyz boldy. (Bundaı taqyryptarda post jazbaıtyn edim, qyz taǵdyry qor bolyp bara jatqan soń bilgenimdi qosa keteıin).
Aqyndar ortalyǵynda júrgende Ánarýdyń qatty kúızelip júrgenin kórdim. Anam ómirden ótip ketti dep jıi jylap qalatyn. Ony bizben birge birneshe qyz-jigitter kórdi. Bir kúni “Ákemmen kezdesetin boldyq. Ákemnen ánshilik ortaǵa kirýime kómektesýin suraıyn ba?” dep bizben uza-a-aq aqyldasty, bir jaǵynan suraýǵa qysylyp, yńǵaısyzdanyp turǵanyn baıqadyq. Biz: “Árıne, ákeń ǵoı, tanymal adam, bir jaǵynan sol salanyń qazanynda qaınap júr, ákeńniń ol qolynda turǵan dúnıe” dep qoshtaı kettik. Sóıtsek, áke degen bárinde birdeı bola bermeıdi eken.
Kezdesýden keıin “ákem kómektespeıtin boldy” dep kóńilsiz júrdi… Qarap tursam, Ánarýǵa (bala kezinen demeı-aq qoıaıyn) sol barǵan kezinde (ol kezde shamasy jasy 21-22-de boldy-aý) kómektesip jiberse, bul oqıǵa oryn almas edi-aý…
Ánarýdyń artynda arqyrap ákesi tursa, ony qaı erkek bulaı basynady.
Al ákesi qaıtty? “Qansha balam bar ekenin sanaǵan da joqpyn” dep málimdedi emes pe? Bul ákesinen túri de, úni de, Qudaı bergen talanty da aýmaı qalǵan Ánarýdyń júregine qalaı batqanyn elestetip kórińiz endi…
Sondyqtan bul jerde bir Janqoshtyń ǵana emes, ákesiniń de kinási bar. Ári Ánarýdyń tanymal aqyn atanyp júrgen anasyn da jastaıynan aldap, 2 balany týǵyzyp, tastap ketkeni taǵy bar degendeı…
Qysqasyn aıtqanda, bireýin zań sotyna, bireýin ar sotyna salýǵa qoǵam bolyp úles qosýymyz kerek. Ánarýdy qaralamas buryn, qyz ósirip, qaryndas, ápke, sińilimizdiń betine qarap otyrǵanymyzdy eske túsirip qoıaıyq…», – dep jazdy ol.
Esterińizge sala keteıik, tanymal qazaqstandyq boksshy Janqosh Turarovqa qyz zorlady degen aıyp taǵylǵan edi. Keıinnen ol qyzdyń Ánarý Qaldybek ekeni belgili boldy.
