Arman Shoraev: Eshqashan eshkimdi urǵan emespin. Qara pıar úshin Kozachkovka aqsha tólenedi

Foto: forbes.kz

Jelide qoǵam qaıratkeri Arman Shoraevtyń áıeldi soqqyǵa jyqqan vıdeosy taraǵan edi. Araǵa ýaqyt salyp Shoraevqa qatysty qylmystyq istiń toqtaǵany belgili boldy. Bul týraly Stan.kz aqparat agenttigi Mıhaıl Kozachkovtiń Telegram arnasyna silteme jasap habarlaıdy.

Eki jaqtyń bir kelisimge kelýine baılanysty qylmystyq is toqtatyldy.

Eske salaıyq, qoǵam belsendisi Arman Shoraevtyń elorda kósheleriniń birinde azamattyq nekedegi jubaıyn uryp-soqqan vıdeosy taraǵan edi. Alaıda Shoraevtyń ózi bul aqparattyń jalǵan ekenin aıtyp, joqqa shyǵardy.

Ol Facebook jelisinde «jasandy ıntellekttiń qurbany bolǵanyn» jáne jýrnalıske qarsy aryz túsiretinin habarlady.

«Munyń bári ótirik. Men eshqashan eshkimdi urǵan emespin. Bul arandatýshylyq jáne qara pıar úshin Kozachkovka aqsha tólenedi», — deıdi Arman Shoraev.

Sondaı-aq Ishki ister mınıstriniń birinshi orynbasary Marat Qojaev Shoraevqa qatysty qylmystyq is qozǵalǵanyn aıtqan edi.