جاڭالىقتار
ارمان شوراەۆ تەرگەۋگە الىندى
استانا قالاسىنىڭ پوليتسيا دەپارتامەنتىنىڭ مالىمەتىنشە, بىرگە تۇرىپ جاتقان ايەلگە دەنە جاراقاتىن كەلتىرۋ فاكتىسى بويىنشا ارمان شوراەۆ تەرگەۋگە الىندى. قاجەتتى ساراپتامالار تاعايىندالدى. قازىرگى ۋاقىتتا ءمان-جايلار انىقتالىپ جاتىر,-دەپ حابارلايدى Qandastar.kz
ەستەرىڭىزگە سالا كەتەيىك, تەلەگرام ارنالاردىڭ بىرىندە ەر-ازاماتتىڭ ايەلدى شاشىنان سۇيرەپ, سوققىعا جىققان ۆيدەوسى تارادى. بۇل شوراەۆ دەپ كورسەتىلگەن. ايەل ەركەكتىڭ ۇستىنەن ارىز جازۋدان باس تارتقان دەپ جازىلدى.
ال ارمان شوراەۆتىڭ ءوزى فەيسبۋك الەۋمەتتىك جەلىسىندە «مەن جاساندى ينتەللەكتىنىڭ قۇربانى بولدىم» دەپ مالىمدەدى.
پد ايەل قۇقىقتارى مەن بالالاردىڭ قاۋىپسىزدىگىن قامتاماسىز ەتۋ ماسەلەلەرى بويىنشا زاڭناماعا, سونىڭ ىشىندە ۇرىپ-سوعۋ جانە دەنساۋلىققا قاساقانا جەڭىل زيان كەلتىرۋدى قىلمىستىق جاۋاپكەرشىلىككە تارتۋ تۋرالى وزگەرىستەر كۇشىنە ەنگەنىن ەسكە سالادى.
