الەم جاڭالىقتارى
ارمەنياداعى نارازىلىق. تۇرعىندار رەسەي اسكەري بازاسىن جابۋدى تالاپ ەتتى
فوتو: اشىق دەرەككوز
ارمەنيانىڭ گيۋمري قالاسىندا رەسەي اسكەري بازاسىنا قارسى ميتينگ ءوتتى, دەپ حابارلايدى qandastar.kz Report-قا سىلتەمە جاساپ.
نارازىلىق اكتسياسىن «رەسپۋبليكا ءۇشىن» پارتياسى مەن ونىڭ جاقتاستارى ۇيىمداستىرعان. گيۋمريدەگى 102-ءشى رەسەي اسكەري بازاسىنىڭ ماڭىندا جينالعاندار «اسكەري بازا, ارمەنيادان كەت!», «ساتقىن پۋتين» دەگەن ۇرانداتقان.
ەسكە سالايىق, شىلدە ايىندا ۋكراينا قورعانىس مينيسترلىگىنىڭ باس بارلاۋ باسقارماسى رەسەي گيۋمريدەگى بازاعا جەكە قۇرامدى تارتۋدى كۇشەيتىپ, وڭتۇستىك كاۆكاز ايماعىنداعى ىقپالىن ارتتىرۋعا ۇمتىلىپ وتىرعانىن مالىمدەگەن ەدى. ارمەنيا بيلىگى بۇل مالىمدەمەلەردى تەرىسكە شىعاردى.
