جاڭالىقتار
ء«ارتۇرلى 10 قىزدىڭ بەلىنەن ۇستا!» موتيۆاتسيالىق كىتاپ كوپتىڭ سىنىنا ۇشىرادى
فوتو: astanatv.kz
قازاقستاندىقتار موتيۆاتسيالىق كىتاپتى سىناپ تاستادى ,دەپ حابارلايدى qandastar.kz “ادىرنا” ۇلتتىق پورتالىنا سىلتەمە جاساپ.
ازاتتىق رۋحىنىڭ مالىمەتىنشە, اباي العازى ەسىمدى اۆتوردىڭ ءوزىنىڭ جەكە تاجىريبەسىن جانە تابىسقا جەتۋ جولىنداعى كەڭەستەرىن توپتاستىرعان «باتىل قادام جاسا! الدىن الا دايىندال! ەرەجەلەردى بۇز!» اتتى موتيۆاتسيالىق كىتابى كوپتىڭ كوڭىلىنەن شىقپادى.
الەۋمەتتىك جەلىلەردە كىتاپ بەتىندە كورسەتىلگەن ەرەكشە جاتتىعۋ جاريالانعان. وندا جازۋشى بەلگىسىز قىزدارعا بارىپ, ولاردى بەلىنەن ۇستاپ كوتەرىپ, 360 گرادۋسقا اينالدىرۋدى ۇسىنادى. سودان كەيىن قىزدى جەرگە قويىپ, ونىڭ كوزىنە قاراپ «سالەم! مەن سەنى قالايمىن!» دەپ ايتۋ كەرەك دەپ جازادى. بۇل ارەكەتتى اۆتور ءارتۇرلى 10 قىزبەن قايتالاۋدى ۇسىنعان. كەيىننەن اۆتور پىكىرلەرگە جاۋاپ رەتىندە جەلىدە جازبا جاريالادى.
«بۇل ەڭبەك وقىرمانداردى باتىل ارەكەت ەتۋگە, العا جوسپار قۇرۋعا جانە تابىسقا جەتۋ جولىندا ەرەجەلەردى بۇزۋدان قورىقپاۋعا شاقىرادى», – دەپ جازدى اۆتور Instagram پاراقشاسىندا.
