«ارتىندا 1 جاسار ءسابيى قالدى»: استانادا بەس بالانىڭ اناسى تەرەزەدەن سەكىرىپ كەتتى

فوتو: stan.kz

الەۋمەتتىك جەلىدە استاناداعى اۋلالاردىڭ بىرىنەن ايەلدىڭ ءمايىتى تابىلعانى تۋرالى اقپارات پايدا بولدى. بۇل تۋرالى Stan.kz اقپارات اگەنتتىگى حابارلايدى.

قايعىلى وقيعاعا كورشىلەرى مەن ءوتىپ بارا جاتقاندار كۋا بولعان. مارقۇمنىڭ جەكە ءومىرىنىڭ ەگجەي-تەگجەيلەرىن استانا تۇرعىنى ايتىپ بەردى. ونىڭ ءسوزىن Telegram-ارناسىنداعى استانا – چتو? گدە? كوگدا? Telegram-ارناسى جاريالادى.

«مەن 1990 جىلعى ايەلدىڭ بالكوننان سەكىرگەنىنە كۋا بولدىم. بەس بالانىڭ اناسى, كىشىسى ءبىر جاستا. كۇيەۋى باسقا قالاعا كەتىپ قالىپ, ونىمەن جانجال شىققان», – دەيدى تۇرعىن.

قوعامدىق دەنساۋلىق ساقتاۋ دەپارتامەنتىنىڭ مالىمەتىنشە, ايەلدىڭ ءمايىتى پوليتسياعا تاپسىرىلدى.

«وقيعا ورنىنا جەدەل مەديتسينالىق بريگادا شاقىرىلدى. مەديتسينالىق توپ كەلگەن كەزدە ءۇيدىڭ اۋلاسىنان ايەلدىڭ مايىتى تابىلدى. كۋاگەرلەردىڭ ايتۋىنشا, ايەل جوعارى قاباتتان قۇلاعان. ومىرگە سايكەس كەلمەيتىن جاراقاتتان قايتىس بولدى. ءمايىت پوليتسياعا تاپسىرىلدى», – دەلىنگەن حابارلامادا.

پوليتسيا, بۇل فاكتى بويىنشا سوتقا دەيىنگى تەرگەۋ امالدارى جۇرگىزىلىپ, ساراپتامالار تاعايىندالعانىن حابارلادى.

ايتا كەتەيىك, بۇعان دەيىن استانادا جۇبايىن قورقىتۋ ءۇشىن 14-قاباتتان سەكىرمەك بولعان ەر ادام 15 تاۋلىككە قاماۋعا الىنعان ەدى.