جاڭالىقتار
«ارتىندا قىزدىڭ ءمۇسىنى بايقالادى»: اقناردىڭ 7-قاباتتان قۇلاعان ءساتى بەينەكامەراعا ءتۇسىپ قالعان
بەلگىلى جۋرناليست رۋسلان وتەپباي قوعامدا رەزونانس تۋدىرعان اقنار ەسىمدى بويجەتكەننىڭ ءولىمى جايلى تىڭ دەرەكتى ايتتى, دەپ حابارلايدى qandastar.kz
ايتۋىنشا, ءبىر جىل بۇرىن ورىن العان وقيعا بەينەكامەراعا ءتۇسىپ قالعان.
«2024 جىلدىڭ 20-شى شىلدەسىندە كوپقاباتتى تۇرعىن ءۇيدىڭ 7 قاباتىنان اقنار ەسىمدى بويجەتكەن قۇلاپ كەتەدى. 21 جاسار اقنار سەكىرىپ كەتە مە, الدە شاراسىز قىزدى وزگە بىرەۋ قاساقانا يتەرىپ جىبەرە مە? اقنار 7 قاباتتان 02:54 شاماسىندا قۇلايدى. سول ءسات بەينەباقىلاۋ كامەراسىنا ءتۇسىپ قالعان. جازبانى ماكسيمالدى تۇردە ۇلكەيتتتىك. ۆيدەوعا قاراساق تەرەزەنىڭ قاسىندا تۇرعان قىزدىڭ ءمۇسىنىن بايقاۋعا بولادى. ول قىز اقناردىڭ ارتىندا نە ىستەپ تۇر? جۇمباقتى تاياۋدا شەشەمىز», — دەدى ول.
Skifnews.kz اقپارات پورتالى جازعانداي, رۋسلان وتەپباي اقناردىڭ تەلەفونىنان جەدەل جاردەمگە 3 رەت قوڭىراۋ تۇسكەندىگىن جانە وقيعا قالاي وربىگەنىن دە انىقتاعان.
«20:44:-تە اقنار مەن راننا ليفتكە كىرەدى. ليفتتەن 20:45-تە شىعىپ, ديدار دەگەن قىزدىڭ پاتەرىنە بارادى. ارادا 6 ساعات وتكەن سوڭ, تۇنگى 02:00-دە اقناردىڭ تەلەفونىنان اناسىنا قوڭىراۋ تۇسەدى. اناسى قايتا حابارلاسقان كەزدە تۇتقانى ەشكىم كوتەرمەيدى. ال 02:30-دا اقناردىڭ نومىرىنەن بەينەجازبا كەلەدى. ۆيدەودا اقنار جەردە جاتادى, ۇستىندە راننا دەگەن قىز الدەنەنى ايتىپ, قولدارىن قىسىپ العان. ۆيدەونى تاسپالاعان ءۇشىنشى قىز. ەسىمى ديدار. ۆيدەونى كورگەن اناسى اقنارعا قايتا-قايتا قوڭىراۋ شالادى. ەشكىم كوتەرمەيدى. تۋىستارى دا حابارلاسادى. جاۋاپ بولمايدى. ەكى قىزدىڭ بىرەۋى جەدەل-جاردەمگە ءۇش رەت قوڭىراۋ شالادى. جەدەل-جاردەمگە كەلىپ تۇسكەن بايلانىس بويىنشا ءماتىنى مىناداي: ءبىر قىز ەسىنەن تانىپ جاتىر! سودان 02:52-دە اقناردىڭ تەلەفونىنان اناسىنا تاعى ءبىر ۆيدەو كەلەدى. ۆيدەودا ءبىر قىزدىڭ شىڭعىرعان داۋسى ەستىلەدى. اراعا 2 مينۋت سالىپ, 02;54-تە اقنار جەرگە قۇلايدى. ال قىزدار تۇك بولماعانداي پاتەردىڭ ىشىندە وتىرا بەرەدى», دەدى رۋسلان وتەپباي.
