«ارۋاقپەن ويناپ, باسىن ويىپ العان»: زەينەپ احمەتوۆا وتاندىق باعدارلامانى سوتقا بەرەتىنىن ايتتى

وتاندىق «ەل ارنا» تەلەارناسىنداعى «قىزدار مەن جىگىتتەر» باعدارلاماسى اتى اڭىزعا اينالعان داڭقتى باتىر, حالىق قاھارمانى باۋىرجان مومىش ۇلىنىڭ تۇلعاسى بەينەلەنگەن باننەردى قويىپ, «كىم ەكەنىن تاپ» دەپ ويىنعا اينالدىرعانى جەلىدە قىزۋ تالقىلانىپ جاتىر,-دەپ حابارلايدى Qandastar.kz

بۇل جايت مومىش ۇلىنىڭ كەلىنى زەينەپ احمەتوۆانىڭ اشۋىنا ءتيىپ, بۇگىندە ول اتالمىش باعدارلامانى سوتقا بەرەتىنىن جەتكىزدى.

باعدارلاما ءار جەكسەنبىدە ەفيرگە شىعادى. وعان دەيىن تەلەارنا الەۋمەتتىك جەلىدەگى رەسمي پاراقشاسىندا كەلەسى باعدارلامانىڭ تيزەرىن جاريالايدى.

شارت بويىنشا ويىنعا قاتىسقان شوۋ-بيزنەس وكىلى تۇلعا بەينەلەگەن باننەرگە باسىن قويىپ, ونىڭ كىم ەكەنىن تابۋى كەرەك. بۇل جولعى باعدارلاما تيزەرىندە حالىق قاھارمانى باۋىرجان مومىش ۇلىنىڭ تۇلعاسى بەينەلەنگەن باننەردى قويىپ, جۇرگىزۋشىلەر مەن قاتىسۋشىنىڭ ونى كەلەمەجگە اينالدىرعانى جەلى قولدانۋشىلارىنىڭ شامىنا تيگەن. «باسقا وينايتىن ادام قالماعانداي… باۋىرجان اتامىز ويىنشىق بولدى ما? ول جەرگە تۇرسىنبەكتى قويۋى كەرەك ەدى. باۋىرجان اتامىز مازاق بولۋى ءۇشىن سوعىسقا اتتانعان با?», – دەپ جازعان پىكىر قالدىرۋشىلار.

تاۋەلسىزدىك, ەركىندىك, ءسوز بوستاندىعى دەپ كەيبىرەۋلەر اۋزىنا كەلگەنىن ايتىپ, ويىنا كەلگەنىن سويلەپ, بەيباستىققا بارىپ ءجۇر. ادامنىڭ جانى تۇرشىگەتىن, جان-دۇنيەڭدى قۇلازىتاتىن حاباردى جاناشىر كىسىلەردىڭ ءبىرى جىبەرىپ وتىر. قازاقستانعا بەلگىلى اتامىزدىڭ تىكەسىنەن تىك تۇرعان سۋرەتىنىڭ باسىن ويىپ, ءبىر ايەل ادام سول جەرگە باسىن سۇعىپ تۇر. وعان اينالاسىنداعىلار تىرقىلداپ ك ۇلىپ, ءماز بولىپ وتىر. بۇل نە دەگەن باسسىزدىق, نە دەگەن تەكسىزدىك?! ارۋاقپەن ويناپ, اتانىڭ ارۋاعىن تاپتاپ, باسىن ج ۇلىپ الۋعا كىم ولارعا مۇنداي قۇقىق بەرىپ وتىر?» – دەپ زەينەپ احمەتوۆا اشۋىن ءبىلدىردى.

اتى اڭىزعا اينالعان باتىردىڭ كەلىنى بۇل ءىستى جاي قالدىرمايتىنىن, سوتقا دەيىن باراتىنىن ايتتى. «ال ەندى وسى حاباردى جاساپ وتىرعان جاپ-جاس كىسىلەر تيتتەي دە بولسىن, ويلانعان جوق پا? قۇدايدان قالاي قورىققان جوق? ارۋاقتان قالاي سەسكەنگەن جوق? ولار ۇلكەندى سىيلاۋدى, اسىرەسە ارۋاقتى سىيلاۋدى ۇيرەنگەن جوق پا? باسىنان باستاپ ۋىزىنا جارىماعان بەيشارالار ءوزىنىڭ تاريحىنا ءوزى تۇكىرىپ وتىر. ۇلى ادامداردى اياققا تاپتاپ وتىر. ال بۇل جاقسىلىققا اپارمايدى. ول قۇرداسى ما نەمەسە جولداسى ما ەدى? باسقا ادام تابىلماي قالدى ما? ول سۋرەت بۇكىل قازاقستانعا بەلگىلى. الماتىعا جولى تۇسكەن كىسىلەر ادەيىلەپ ۇيگە كەلىپ, سۋرەتكە ءتاۋ ەتىپ, سۋرەتكە ءتۇسىپ, ەسكەرتكىش رەتىندە الىپ كەتەدى. بۇل – بالالارىن الىپ كەلىپ, ەرتەڭگى كۇنى اتاسىنىڭ قاسىندا تۇسكەنىن, سول شاڭىراقتا بولعانىن كورسەتۋ ءۇشىن اتۋىرلەيتىن سۋرەت. ەگەر تۇپتەپ بارار بولساق, سوتقا بەرۋگە بولادى. ول كىسى قازاقتىڭ ار-نامىسىن تۋ ەتىپ ۇستاعان, ۇلتتىق رۋحتىڭ سيمۆولى بولادى», – دەدى باتىردىڭ كەلىنى.