ارىستا ادامدار ۋلانىپ قالدى: دارىگەرلەر نە دەيدى?

5 شىلدە كۇنى ارىس قالاسىنداعى اسكەري ءبولىم اۋماعىندا بىرنەشە ادام كارىز گازىنان ۋلانىپ قالعان بولاتىن. تۇركىستان وبلىسى دەنساۋلىق ساقتاۋ باسقارماسىنىڭ وكىلدەرى قازىر زارداپ شەككەندەردىڭ جاعدايى قانداي ەكەنىن ايتتى, دەپ حابارلايدى qandastar.kz.

ۆەدومستۆو مالىمەتىنشە, 5 شىلدەدە ارىس اۋداندىق ورتالىق اۋرۋحاناسىنىڭ قابىلداۋ بولىمىنە ءتورت ناۋقاس تۇسكەن.

1965 جىلى تۋعان ناۋقاس جانساقتاۋ بولىمىنە جاتقىزىلدى.

1983 جىلى تۋعان ناۋقاس كۇكىرت سۋتەگىمەن ۋلانۋدىڭ ورتا دارەجەسىمەن تەراپيا بولىمىنە جاتقىزىلدى.

1998 جىلى تۋعان ناۋقاسقا ۋلانۋدىڭ جەڭىل دارەجەسى دياگنوزى قويىلىپ, العاشقى كومەك كورسەتىلگەن سوڭ امبۋلاتوريالىق باقىلاۋعا جىبەرىلدى.

1993 جىلى تۋعان ناۋقاسقا ۋلانۋدىڭ جەڭىل دارەجەسى دياگنوزى قويىلعان. وعان العاشقى كومەك كورسەتىلىپ, امبۋلاتوريالىق باقىلاۋعا جىبەرىلدى.

«قازىرگى ۋاقىتتا ەكى ناۋقاس تەراپيا بولىمشەسىنە اۋىستىرىلىپ, ەم-شارالارىن قابىلداپ جاتىر. ولاردىڭ جاعدايى قاناعاتتانارلىق», — دەلىنگەن حاباردا.