Arysta adamdar ýlanyp qaldy: Dárigerler ne deıdi?

5 shilde kúni Arys qalasyndaǵy áskerı bólim aýmaǵynda birneshe adam káriz gazynan ýlanyp qalǵan bolatyn. Túrkistan oblysy Densaýlyq saqtaý basqarmasynyń ókilderi qazir zardap shekkenderdiń jaǵdaıy qandaı ekenin aıtty, dep habarlaıdy qandastar.kz.

Vedomstvo málimetinshe, 5 shildede Arys aýdandyq ortalyq aýrýhanasynyń qabyldaý bólimine tórt naýqas túsken.

1965 jyly týǵan naýqas jansaqtaý bólimine jatqyzyldy.

1983 jyly týǵan naýqas kúkirt sýtegimen ýlanýdyń orta dárejesimen terapııa bólimine jatqyzyldy.

1998 jyly týǵan naýqasqa ýlanýdyń jeńil dárejesi dıagnozy qoıylyp, alǵashqy kómek kórsetilgen soń ambýlatorııalyq baqylaýǵa jiberildi.

1993 jyly týǵan naýqasqa ýlanýdyń jeńil dárejesi dıagnozy qoıylǵan. Oǵan alǵashqy kómek kórsetilip, ambýlatorııalyq baqylaýǵa jiberildi.

«Qazirgi ýaqytta eki naýqas terapııa bólimshesine aýystyrylyp, em-sharalaryn qabyldap jatyr. Olardyń jaǵdaıy qanaǵattanarlyq», — delingen habarda.