ارىستانبەك مۇحامەدي ۇلى 11 جىلعا سوتتالدى

ايىپتان باسى ارىلماي جۇرگەن, بۇرىنعى مادنيەت ءمينيسترى ارىستانبەك مۇحامەدي ۇلىنىڭ جازاسى 11 جىلعا دەيىن ۇزاردى. استانا سوتى ۇكىمدى بۇگىن شىعاردى. ەڭ قىزىعى, بۇل جولى مۇحامەدي ۇلىنىڭ جارى مەن ادۆوكاتى دا ايىپتالۋشىلار اراسىنان تابىلدى. رەسمي مالىمەتكە سۇيەنسەك, قىلمىستىق ءىستىڭ باستى كەيىپكەرى پارا بەرۋگە تىرىسقانى ءۇشىن جازاسىن 8 جىلدان 11 جىلعا دەيىن ۇزارتىپ الدى. ال ونىڭ جۇبايى عاليا ىسقاقوۆا جىمىسقى ارەكەتكە دەلدال بولدى دەپ ايىپتالدى. تيىسىنشە ول دا 6 ايعا تەمىر تورعا توعىتىلىپ, مەملەكەتتىك قىزمەتتە جۇمىس ىستەۋ مارتەبەسىنەن ايىرىلدى. ادۆوكات مۇستاحيم تولەەۆ بولسا الاياقتىعى ءۇشىن 6 جىل 8 اي اباقتىدا وتىرادى. وعان قوسا 10 جىل بويى ادۆوكاتتىقپەن اينالىسا المايدى. ۇكىم زاڭدى كۇشىنە ەنگەن جوق. ەستەرىڭىزگە سالا كەتەيىك, ارىستانبەك مۇحامەدي ۇلى 2022 جىلدىڭ مامىر ايىندا قاماۋعا الىنعان ەدى. وعان بيۋدجەتتەن 146 ملن تەڭگە ۇرلادى دەگەن ايىپ تاعىلعان. سول جىلدىڭ تامىز ايىندا بۇل سوما تاعى 7 ملن-عا كوبەيدى.