ARYSTANBEK MUHAMEDIULY 11 JYLǴA SOTTALDY

Aıyptan basy arylmaı júrgen, burynǵy mádnıet mınıstri Arystanbek Muhamedıulynyń jazasy 11 jylǵa deıin uzardy. Astana soty úkimdi búgin shyǵardy. Eń qyzyǵy, bul joly Muhamedıulynyń jary men advokaty da aıyptalýshylar arasynan tabyldy. Resmı málimetke súıensek, qylmystyq istiń basty keıipkeri para berýge tyrysqany úshin jazasyn 8 jyldan 11 jylǵa deıin uzartyp aldy. Al onyń jubaıy Ǵalııa Ysqaqova jymysqy áreketke deldal boldy dep aıyptaldy. Tıisinshe ol da 6 aıǵa temir torǵa toǵytylyp, memlekettik qyzmette jumys isteý mártebesinen aıyryldy. Advokat Mustahım Tóleev bolsa alaıaqtyǵy úshin 6 jyl 8 aı abaqtyda otyrady. Oǵan qosa 10 jyl boıy advokattyqpen aınalysa almaıdy. Úkim zańdy kúshine engen joq. Esterińizge sala keteıik, Arystanbek Muhamedıuly 2022 jyldyń mamyr aıynda qamaýǵa alynǵan edi. Oǵan bıýdjetten 146 mln teńge urlady degen aıyp taǵylǵan. Sol jyldyń tamyz aıynda bul soma taǵy 7 mln-ǵa kóbeıdi.