Arystanbek Muhamedıuly ashtyq jarııalady ma?

Foto: Artem ChÝRSINOV

Eks-mınıstr Facebook paraqshasynda sot bıliginiń áreketterine qarsy ekenin jetkizdi, dep jazdy qandastar.kz

«Men, Muhamedıuly Arystanbek, sot bıliginiń ozbyrlyǵy men zańsyz áreketterine narazylyq bildirip, ólmeıinshe ashtyq jarııalaımyn», – delingen habarlamada.

Aqmola oblysy boıynsha qylmystyq atqarý júıesi departamenti ashtyq jarııalaý týraly aqparat shyndyqqa janaspaıtynyn málimdedi.

«Ol tamaq iship jatyr, bul beınebaqylaý kameralary arqyly rastalǵan. Odan eshqandaı aryz da, shaǵym da bolǵan joq. Sonymen qatar belgilengen tártippen sottalýshy uıaly telefon qoldana almaıdy. Bul rette onyń atyna áleýmettik jelide jarııalanǵan jarııalanym boıynsha tergeý júrgizilip jatyr”, – dep málimdedi qylmystyq atqarý júıesi departamentiniń baspasóz qyzmeti.

Departament jalǵan aqparat úshin jaýapkershilik qarastyrylǵanyn eskertti.

Eske salaıyq, buǵan deıin eks-mınıstr Muhamedıulyna tıesili quny 1,2 mıllıard teńgege baǵalanǵan mektep memleketke qaıtarylǵanyn jazǵan edik. Almaty prokýratýrasynyń málimetinshe, mektep quny 1,2 mıllıard teńge. Bir jyldan asa ýaqyt tergelgen Arystanbek Muhamedıuly sot úkimimen 8 jylǵa bas bostandyǵynan aıyrylǵan edi. Artynsha «Dıplomat» qonaqúıin reıderlik jolmen tartyp aldy degen qosymsha aıyp taǵyldy. Mıllıardtaǵan qarjy jymqyryp, jekemenshik mektepti zańsyz ıemdendi dep aıyptalǵan Arystanbek Muhamedıuly 11 jylǵa sottalǵan edi. Oǵan eki epızodty qamtıtyn qylmystyq is boıynsha úkim shyqty.