Arystanbek Muhamedıulynyń áıeli bostandyqqa shyǵatyn boldy

Foto: skrınshot

Dımash Muhamedıuly bir jyl zańsyz úıqamaqta otyrǵan anasyna arasha túsip, sottan onyń zeınet jasyndaǵy adam ekenin eskerýin surady.

Apellıaııalyq alqa sottalǵan eks-mádenıet mınıstri Arystanbek Muhamedıulynyń asa iri kólemde para alýǵa árekettený isi boıynsha shaǵymyn qarady, dep habarlady turkystan.kz saıty stan.kz-ke silteme jasap.
«Aıyptaý aktisi men úkimniń qısynsyz boljam negizinde jasalǵan. Sondaı-aq sottalýshy erli-zaıyptylardyń kýáligine negizdelgen Al bul qylmystyq proessýaldyq kodekstiń 112-babyna qaıshy keledi», – dep málimdedi sottalýshynyń advokaty men áıeli.

Sot otyrysynda Arystanbek Muhamedıulynyń uly Dımash Muhamedıuly da sóz sóıledi. Aıtýynsha, ákesi qamaýda otyrǵaly onyń otbasy kúndiz kúlkiden, túnde uıqydan aıyrylǵan. Sottalýshy óziniń tuńǵysh nemeresin de kórmegen. Ol bir jyl zańsyz úıqamaqta otyrǵan anasyna arasha túsip, sottan onyń zeınet jasyndaǵy adam ekenin eskerýin surady.
«Ata-anam búkil sanaly ǵumyryn Qazaqstannyń mádenıet, sport, týrızm jáne bilim salalaryndaǵy damýyna arnady», – deıdi Dımash Muhamedıuly.

Qorǵaýshylar is boıynsha sońǵy benefııar, para alýshy jáne jábirlenýshi taraptyń anyqtalmaǵanyn atap ótti. Olar sottalǵandardyń barlyǵyn aqtaýdy surady. Alaıda prokýror barlyq aıtylǵan ýájder birinshi satydaǵy sot sheshimin buzýǵa negiz bola almaıtynyn alǵa tartty. Sondaı-aq ol keltirilgen dálelder sot otyrysynda talqylanyp, tıisti baǵa berilgenin eske saldy.

«Ǵalııa Ysqaqovanyń qylmystyq kodekstiń 368-baby 1-bóligi boıynsha («Paraqorlyqqa deldal bolý») áreketi Qylmystyq kodekstiń 24-baby, 3-bóligine («Qylmys jasaýǵa oqtalý») aýysty. Ǵalııa Ysqaqovaǵa ómir boıyna memlekettik qyzmette laýazymdardy atqarý quqyǵynan aıyrylyp, alty aıǵa bas bostandyǵynan aıyrý jazasy taǵaıyndaldy. Ysqaqovanyń 2023 jyldyń 5 shildesinen bastap úıqamaqta otyrǵany, úıqamaqtaǵy bir kúndi túzeý mekemesiniń eki kúnine teń keletinin eskerip, 6 aıǵa sottalǵan Ysqaqovanyń jazasy ótelgen dep sanalady», – dedi sýdıa Erǵalıev.
Úkimniń basqa bóligi ózgerissiz qalady. Sottalǵandar men olardyń advokattarynyń ótinishi qanaǵattandyrylmaıtyn boldy.

Buǵan deıin apellıaııalyq sot Arystanbek Muhamedıulynyń isin qarap jatqany týraly jazǵan edik.