ارزان پيار: شىمكەنت اكىمى كامەرا الدىندا پوليتسەيدى سوگىپ تاستادى

فوتو: شىمكەنت اكىمدىگىنىڭ ءباسپاسوز قىزمەتى

الەۋمەتتىك جەلىدە شىمكەنت تۇرعىندارىمەن كەزدەسۋدەن قىزىقتى ۆيدەو پايدا بولدى. كادردا اكىم عابيت سىزدىقبەكوۆتىڭ پوليتسەيدى سوگىپ, كوپشىلىك الدىندا تومەندەتكەنى بايقالادى, – دەپ حابارلايدى qandastar.kz

ۆيدەودان عابيت سىزدىقبەكوۆتىڭ ازاماتتاردىڭ ارىز-شاعىمىن تىڭداپ جاتىرعانىن كورۋگە بولادى. كەنەت شەنەۋنىك ءتارتىپ ساقشىلارىنىڭ بىرىنە نازارىن اۋدارىپ, دورەكى ارەكەتىن اياۋسىز سىنايدى.
«نەگە داۋىس كوتەرەسىز? ادامدارمەن قالاي سويلەسەسىز? بۇل جەردەن كەت» دەپ ءوزى ايقايعا باسادى.

ارتىنشا پوليتسەي شىمكەنت اكىمىنەن كەشىرىم سۇراماق بولىپ بىرنەشە رەت تىرىسقانمەن, اكىم ءتارتىپ ساقشىسىن «جازالاۋدى» جالعاستىرعان.

قازاقستاندىقتار عابيت سىزدىقبەكوۆتىڭ بۇل ارەكەتىن ارزان پيارعا بالاپ وتىر.
“سىرتتان قاراعاندا پوليتسەيگە ايتىلعان ەسكەرتۋ قۇقىق قورعاۋ ورگاندارىن تومەندەتكەندەي اسەر قالدىردى” دەيدى جەلى قولدانۋشىلارى.

بۇعان دەيىن انتيكور شىمكەنت اكىمدىگىندەگى وتىرىستان شەنەۋنىكتى شىعارىپ الىپ, قولىنا كىسەن سالدى. ول جيىن دا اكىم عابيت سىزدىقبەكوۆتىڭ جەتەكشىلىگىمەن وتكەن بولاتىن.