Arzan pıar: Shymkent ákimi kamera aldynda polıeıdi sógip tastady

Foto: Shymkent ákimdiginiń baspasóz qyzmeti

Áleýmettik jelide Shymkent turǵyndarymen kezdesýden qyzyqty vıdeo paıda boldy. Kadrda ákim Ǵabıt Syzdyqbekovtiń polıeıdi sógip, kópshilik aldynda tómendetkeni baıqalady, – dep habarlaıdy qandastar.kz

Vıdeodan Ǵabıt Syzdyqbekovtiń azamattardyń aryz-shaǵymyn tyńdap jatyrǵanyn kórýge bolady. Kenet sheneýnik tártip saqshylarynyń birine nazaryn aýdaryp, dóreki áreketin aıaýsyz synaıdy.
«Nege daýys kóteresiz? Adamdarmen qalaı sóılesesiz? Bul jerden ket» dep ózi aıqaıǵa basady.

Artynsha polıeı Shymkent ákiminen keshirim suramaq bolyp birneshe ret tyrysqanmen, ákim tártip saqshysyn «jazalaýdy» jalǵastyrǵan.

Qazaqstandyqtar Ǵabıt Syzdyqbekovtiń bul áreketin arzan pıarǵa balap otyr.
“Syrttan qaraǵanda polıeıge aıtylǵan eskertý quqyq qorǵaý organdaryn tómendetkendeı áser qaldyrdy” deıdi jeli qoldanýshylary.

Buǵan deıin Antıkor Shymkent ákimdigindegi otyrystan sheneýnikti shyǵaryp alyp, qolyna kisen saldy. Ol jıyn da ákim Ǵabıt Syzdyqbekovtiń jetekshiligimen ótken bolatyn.