Asanáli Áshimov basynan qıyn kezeńder ótkenin aıtty

Foto: ashyu derekkóz

KSRO halyq ártisi, akter Asanáli Áshimov bloger Dýlat Tastakeevke suhbat berip, balalyq shaǵy týraly aıtyp berdi, dep jazdy qandastar.kz

“Soǵys jyldary aıaq kıim joq. Bar bolǵannyń ózinde qysta kıemiz dep saqtap qoıamyz. Sýyqta ǵana kıemiz. Jaz-kúz aılarynda jeńil báteńke kıip baramyz. Keıde jalań aıaq ta júre beremiz. Bir kúni kúzdiń aıaǵyna qaraı mektepte otyrǵanda qar jaýyp ketti. Kózdi ashyp-jumǵansha aınala aq mamyqqa oraldy. Synyptastarymyzdyń ata-analary kelip, balalaryn alyp ketti. Meniń alyp ketetin eshkim joq. Sol túni mektepte qonatynymdy sezdim. Ol kezde ot ta jaqpaǵan. Aıtqanymdaı, mektepte túnep shyqtym. Partanyń ústinde otyrdym. Menimen eshkimniń isi joq. Túnimen neshe túrli qorqynyshty dúnıeler kóz aldyma keldi. Alaǵyzyp, elegizip qatty qoryqtym. Sol tún meni eseıtip jiberdi. Jetim ekenim esime tústi. Artymda janashyr adamym joq ekenin uqtym. О́mir degen osy eken ǵoı dep oıladym”, – dedi akter.