«Asar Baspana» قارجى پيراميداسى تۋرالى تىڭ دەرەكتەر انىقتالدى

فوتو:قما

قارجى مونيتورينگى اگەنتتىگى باس پروكۋراتۋرانىڭ ۇيلەستىرۋىمەن تۇتىنۋ كووپەراتيۆى اتىن جامىلعان «Asar Baspana» قارجى پيراميداسىنىڭ قىزمەتىن توقتاتتى, دەپ جازدى qandastar.kz

تەرگەۋ بارىسىندا تۋعانباەۆ ن.م. باستاعان پيراميدا ۇيىمداستىرۋشىلارى, 86 مىڭنان استام ازاماتتان 12,4 ملرد تەڭگە تارتقان, ەسەسىنە اي سايىن 30%-عا دەيىن تابىس ۋادە ەتكەن.

شىن مانىندە, ناقتى بيزنەس بولماعان, تولەمدەر جاڭا قاتىسۋشىلاردىڭ سالىمدارى ەسەبىنەن جۇزەگە اسىرىلعان.

ناتيجەسىندە تۋعانباەۆ پەن ونىڭ سەرىكتەستەرى 3,8 ملرد تەڭگە قاراجاتتى زاڭسىز يەلەنگەن.

كۇدىكتىلەر سالىمشىلاردى اداستىرىپ, الماتى قالاسىندا قۇرىلىس ماتەريالدارىن ءوندىرۋ, تىگىن تسەحى مەن تۇرمىستىق جانە مەديتسينالىق تەحنيكا زاۋىتى جۇمىس ىستەپ جاتقاندىعىن مالىمدەگەن. شىندىعىندا, ونىمدەر ءۇشىنشى تاراپ جەتكىزۋشىلەرىنەن ساتىپ الىنىپ»Asar Baspana» لوگوتيپىمەن تاڭبالانعان, — دەلىنگەن قما ءباسپاسوز قىزمەتى

2024 جىلى جەلتوقسان ايىنان باستاپ, پيراميداعا دەگەن سەنىم ازايا باستاعان كەزدە, ۇيىمداستىرۋشىلار اۆتوسالون اشىپ, رەسمي ديلەرلەرمەن ارىپتەستىك ورناتتىق دەگەن جالعان اقپارات تاراتقان. شىن مانىندە, اۆتوكولىكتەر سالىمشىلاردىڭ اقشاسىنا ساتىپ الىنىپ تۋعانباەۆتىڭ تۋىستارىنا راسىمدەلگەن.

پيراميدانى اشكەرە قىلاتىن جاعدايلار تۋىنداعان تۇستا, تۋعانباەۆ ن.م. 8 اقپان كۇنى «Asar Baspana» سايتىن تەحنيكالىق رەجيمگە اۋىستىرعان. بۇل قىلمىستىق ارەكەتتى جاسىرۋ ماقساتىندا جاسالدى.