«Áselden basqa kelin kerek emes»: Aıqyn Tólepbergenniń ata-anasy

Sýret: baǵdarlama skrınshot

Tanymal ánshi Aıqyn Tólepbergen men Juldyz О́mirǵalıdyń ata-analary baǵdarlamaǵa kelip, shyndyqty aıtty. Bul týraly qandastar.kz Stan.kz aqparat agenttigine silteme jasap habarlaıdy.

О́ner ıeleri “Astarly aqıqat” baǵdarlamasynda toı jasap, eki jaqtyń ata-analaryn shaqyrdy. Ánshi Aıqynnyń anasy stýdııada kóz jasyna erik berdi.

“Aıqynnyń ekinshi ret shańyraq kóterýi tóbemizden jaı túskendeı boldy. “Áselden basqa kelin kerek emes” dep qarsy boldym. Eki nemerem úshin ýaıymdaımyn. Ákeleri qamqor bolǵanymen birge turmaıdy. Sol úshin ýaıymdaımyn. Ańsardyń jasy – 13-te. Biraq ákesi “Balanyń sheshimine qarsy bolma” dedi. Sodan keıin batamyzdy berdik. “Eki balany eshqashanda jalǵyz qaldyrma” degen talap qoıdym. Ulym sóz berip, artyǵymen oryndap júr. Juldyz da jaqsy kelin bola bildi. Ekeýmiz – jerlespiz. Bir rýdanbyz”, – dedi Gúlzada Tólepbergen.

Odan keıin Aıqynnyń ákesi, balalar aqyny Nurtan Tólepbergen de ulynyń tańdaýyn ózgerte almaǵanyn aıtty.

“Burynǵy kelinimiz Ásel óte tárbıeli otbasynan shyqqan. Aıqyn men Juldyz úılenedi degende estigende aldymen quda-qudaǵaıymyzdy oıladyq, “Quda – myńjyldyq” dep beker aıtylmaǵan. Sol kisilerden qatty qysyldyq. О́te jaqsy aralastyq. Biraq taǵdyr osylaı jazypty. Ásel kelinimizge kóp raqmet. Eki nemereni dúnıege ákeldi. Jalpy toǵyz nemereniń atasymyn. Juldyzdan týǵan nemerelerimde sondaı tátti. Áke-sheshesinen qoryqqanymen, bizge erkeleıdi”, – dep aǵynan jaryldy.