اسحات ايماعامبەتوۆ: «باسقا سالاعا كەتىپ قالعان مامانداردىڭ ءوزى مەكتەپكە كەلگىسى كەلىپ جاتىر»

ءماجىلىس دەپۋتاتى اسحات ايماعامبەتوۆ مۇعالىمدەردىڭ ايلىعىنا جانە ولاردى ىرىكتەۋگە بايلانىستى جاسالعان رەفورمالار جەمىسىن بەرگەنىن ايتادى, دەپ حابارلايدى KYN.KZ اقپارات اگەنتتىگى Ulysmedia.kz. سايتىنا سىلتەمە جاساپ.

دەپۋتات اۋەلى مۇعالىمدەردىڭ ايلىعى پرەزيدەنت توقاەۆتىڭ تاپسىرماسىنان كەيىن وسكەنىن ايتادى.

– قازىر ەشكىم ول جالاقى وسكەن جوق نەمەسە از ءوستى دەپ ايتا المايدى. شىن مانىندە, قازىر مۇعالىمدەردىڭ ايلىعى قۇدايعا شۇكىر, جاقسى دەڭگەيدە. بۇل سالاعا وتە ۇلكەن اسەرىن بەردى. ءبىر عانا اقپارات: ونىڭ الدىندا ۇبت تاپسىرعاندا ەڭ از بال – 50, ەڭ كوبى – 140 بال ەدى. سول تۇستاردا 55 بال العان تۇلەكتەر پەداگوگيكاعا باراتىن. مەكتەپتە جامان وقىعانداردىڭ ءبارى مۇعالىمدىككە بارسا, ەرتەڭ ول قانداي مامان بولادى? ونى قانشا كەرەمەت وقىتساڭ دا, ەش ناتيجە بەرمەيدى, – دەيدى ول.

اسحات ايماعامبەتوۆ وسى زاڭ 2019 جىلى قابىلدانعان كەزدە “ماعان ءبارى ك ۇلىپ, مۇنىڭ بولمايدى” دەگەن ءسوزىن ەسىنە الادى.

– ءبىز سوندا 2020 جىلى ورتاشا بال 90 بالعا جەتتى دەگەندە ءبارى تاڭعالدى. 2022 جىلى ورتاشا بال 100 بالعا جەتتى. بيىل ماتەماتيكا ماماندىعىنا گرانتۇا 122 بالمەن جەتە الماي, تۇسە الماي جاتقاندار بار. مەنىڭ ءوزىم ۋنيۆەرسيتەتتە ساباق بەرەم. جاستاردىڭ قازىر كوزى جانىپ تۇر. الدىڭعى جىلدان باستاپ سولاي. “مەن مۇعالىم بولامىن” دەپ, جاستار ۋنيۆەرسيتەتتەردى ءبىتىرىپ شىعىپ جاتىر. ەندى مەكتەپكە كەلىپ جاتقان مۇعالىمدەردىڭ ساپاسى وتە جوعارى. ءبىز سول كەزدە قابىلداعان رەفورمالار ءوز ناتيجەسىن بەرىپ جاتىر, – دەيدى ول.

دەپۋتاتتىڭ سوزىنشە, مەكتەپتەن كەتەم دەگەن مىقتى مۇعالىمدەردىڭ ءوزى قازىر كەتكىسى كەلمەيتىنىن ايتادى.

– ءتىپتى باسقا سالاعا كەتىپ قالعان مامانداردىڭ ءوزى مەكتەپكە كەلگىسى كەلىپ جاتىر. سوعان بايلانىستى ءبىز قانداي شەشىم قابىلدادىق. ءبىز 86 ۋنيۆەرسيتەتتىڭ 36-نىڭ ليتسەنزياسىن تارتىپ الدىق. ويتكەنى مەكتەپتەن كەلگەندە مامانعا تەك ديپلوم جەتكىلىكسىز دەپ شەشتىك. ساباق بەرۋ ءۇشىن قوسىمشا سەرتيفيكات تالاپ ەتتىك. تەست تاپسىرادى, تاپسىرا الماسا مەكتەپكە كەلمەيدى. العاش وسى تەستتى وتكىزگەن كەزدە سول جىلى ۋنيۆەرسيتەتتى بىتىرگەن جاستاردىڭ 90 پايىزدان كوبى تەستتەرگە جاۋاپ بەرە المادى. ولاردى العان جوقپىز. قاتتى شۋلادى. دەگەنمەن وسى شەشىمدى قالدىردىق, – دەيدى ول.