Ashat Aımaǵambetov: «Basqa salaǵa ketip qalǵan mamandardyń ózi mektepke kelgisi kelip jatyr»

Májilis depýtaty Ashat Aımaǵambetov muǵalimderdiń aılyǵyna jáne olardy irikteýge baılanysty jasalǵan reformalar jemisin bergenin aıtady, dep habarlaıdy KYN.KZ aqparat agenttigi Ulysmedia.kz. saıtyna silteme jasap.

Depýtat áýeli muǵalimderdiń aılyǵy prezıdent Toqaevtyń tapsyrmasynan keıin óskenin aıtady.

– Qazir eshkim ol jalaqy ósken joq nemese az ósti dep aıta almaıdy. Shyn máninde, qazir muǵalimderdiń aılyǵy qudaıǵa shúkir, jaqsy deńgeıde. Bul salaǵa óte úlken áserin berdi. Bir ǵana aqparat: onyń aldynda UBT tapsyrǵanda eń az bal – 50, eń kóbi – 140 bal edi. Sol tustarda 55 bal alǵan túlekter pedagogıkaǵa baratyn. Mektepte jaman oqyǵandardyń bári muǵalimdikke barsa, erteń ol qandaı maman bolady? Ony qansha keremet oqytsań da, esh nátıje bermeıdi, – deıdi ol.

Ashat Aımaǵambetov osy zań 2019 jyly qabyldanǵan kezde “maǵan bári kúlip, munyń bolmaıdy” degen sózin esine alady.

– Biz sonda 2020 jyly ortasha bal 90 balǵa jetti degende bári tańǵaldy. 2022 jyly ortasha bal 100 balǵa jetti. Bıyl matematıka mamandyǵyna grantua 122 balmen jete almaı, túse almaı jatqandar bar. Meniń ózim ýnıversıtette sabaq berem. Jastardyń qazir kózi janyp tur. Aldyńǵy jyldan bastap solaı. “Men muǵalim bolamyn” dep, jastar ýnıversıtetterdi bitirip shyǵyp jatyr. Endi mektepke kelip jatqan muǵalimderdiń sapasy óte joǵary. Biz sol kezde qabyldaǵan reformalar óz nátıjesin berip jatyr, – deıdi ol.

Depýtattyń sózinshe, mektepten ketem degen myqty muǵalimderdiń ózi qazir ketkisi kelmeıtinin aıtady.

– Tipti basqa salaǵa ketip qalǵan mamandardyń ózi mektepke kelgisi kelip jatyr. Soǵan baılanysty biz qandaı sheshim qabyldadyq. Biz 86 ýnıversıtettiń 36-nyń lıenzııasyn tartyp aldyq. О́ıtkeni mektepten kelgende mamanǵa tek dıplom jetkiliksiz dep sheshtik. Sabaq berý úshin qosymsha sertıfıkat talap ettik. Test tapsyrady, tapsyra almasa mektepke kelmeıdi. Alǵash osy testti ótkizgen kezde sol jyly ýnıversıtetti bitirgen jastardyń 90 paıyzdan kóbi testterge jaýap bere almady. Olardy alǵan joqpyz. Qatty shýlady. Degenmen osy sheshimdi qaldyrdyq, – deıdi ol.