اسحات سادىرباي ەكىنشى ايەلىن سوتقا بەرىپ, اقشالاي وتەماقى تالاپ ەتىپ وتىر

فوتو: اشىق دەرەككوز

«استارلى اقيقات» باعدارلاماسىنىڭ جۇرگىزۋشىسى اسحات سادىرباي بۇرىنعى جۇبايى ايعانىم قوراباەۆانىڭ ۇستىنەن الماتى قالاسىنىڭ ازاماتتىق ىستەر جونىندەگى سوتىنا تالاپ ارىز ءتۇسىردى, دەپ حابارلايدى  qandastar.kz Qaz365.kz — گە سىلتەمە جاساپ.

بۇل تۋرالى اقپارات تەلەجۇرگىزۋشىنىڭ تالاپ-ارىز قۇجاتتارىنان بەلگىلى بولدى.

اسحات سادىرباي بۇرىنعى ايەلى الەۋمەتتىك جەلىلەردە – Instagram, TikTok, YouTube جانە Facebook پاراقشالارىندا ار-نامىسى مەن بەدەلىنە نۇقسان كەلتىرەتىن جالعان اقپاراتتار جاريالاعان دەپ وتىر.

تەلەجۇرگىزۋشى ايەلىنىڭ ايتقان فيزيكالىق قىسىم كورسەتتى, بالا ءۇشىن سوتقا سۇيرەدى, قورلىق كورسەتتى دەگەن مالىمەتتەر شىندىققا جاناسپايدى جانە جەكە ومىرگە قولسۇعۋشىلىق رەتىندە باعالانعان.

تالاپ ارىزدا اسحات سادىرباي:

جاريالانعان اقپاراتتاردى جالعان دەپ تانۋدى,

اۋديو-بەينە كەشىرىم سۇراۋ جازباسىن الەۋمەتتىك جەلىلەردە جاريالاۋدى,

جازباشا كەشىرىم حاتىن جولداۋدى,

جانە 1 500 000 تەڭگە كولەمىندە مورالدىق زياندى وتەۋدى تالاپ ەتىپ وتىر.

ودان بولەك, كەشىرىم جازباسى مەن حاتتىڭ كوشىرمەسىن «استارلى اقيقات» باعدارلاماسىنىڭ رەداكتسياسىنا جولداۋ دا تالاپ ەتىلگەن.

ازاماتتىق ءىس 2025 جىلدىڭ 21 اقپانىندا قوزعالعان. قازىرگى ۋاقىتتا الماتى قالاسى سوتىندا قارالۋ ۇستىندە. تاراپتاردان تۇسىنىكتەمە الىنبادى.

ال ايعانىم قوراباەۆا سوتتىڭ اشىق بولعانىن قالاپ وتىر. ول سوت وتىرىسىنا باق وكىلدەرى قاتىسۋى كەرەك دەپ ەسەپتەيدى.