Ashat Sadyrbaı ekinshi áıelin sotqa berip, aqshalaı ótemaqy talap etip otyr

Foto: ashyq derekkóz

«Astarly aqıqat» baǵdarlamasynyń júrgizýshisi Ashat Sadyrbaı burynǵy jubaıy Aıǵanym Qorabaevanyń ústinen Almaty qalasynyń azamattyq ister jónindegi sotyna talap aryz túsirdi, dep habarlaıdy  qandastar.kz Qaz365.kz — ge silteme jasap.

Bul týraly aqparat telejúrgizýshiniń talap-aryz qujattarynan belgili boldy.

Ashat Sadyrbaı burynǵy áıeli áleýmettik jelilerde – Instagram, TikTok, YouTube jáne Facebook paraqshalarynda ar-namysy men bedeline nuqsan keltiretin jalǵan aqparattar jarııalaǵan dep otyr.

Telejúrgizýshi áıeliniń aıtqan fızıkalyq qysym kórsetti, bala úshin sotqa súıredi, qorlyq kórsetti degen málimetter shyndyqqa janaspaıdy jáne jeke ómirge qolsuǵýshylyq retinde baǵalanǵan.

Talap aryzda Ashat Sadyrbaı:

Jarııalanǵan aqparattardy jalǵan dep tanýdy,

Aýdıo-beıne keshirim suraý jazbasyn áleýmettik jelilerde jarııalaýdy,

Jazbasha keshirim hatyn joldaýdy,

Jáne 1 500 000 teńge kóleminde moraldyq zııandy óteýdi talap etip otyr.

Odan bólek, keshirim jazbasy men hattyń kóshirmesin «Astarly Aqıqat» baǵdarlamasynyń redakııasyna joldaý da talap etilgen.

Azamattyq is 2025 jyldyń 21 aqpanynda qozǵalǵan. Qazirgi ýaqytta Almaty qalasy sotynda qaralý ústinde. Taraptardan túsinikteme alynbady.

Al Aıǵanym Qorabaeva sottyń ashyq bolǵanyn qalap otyr. Ol sot otyrysyna BAQ ókilderi qatysýy kerek dep esepteıdi.