«اسحات سادىربايدىڭ بۇرىنعى ايەلى ەشقانداي دا «قۇربان» ەمەس» – زاڭگەر

«سوت شەشىمىمەن بالا اناسىندا قالعان. ال ءدال قازىرگى ۋاقىتتا  بالاعا سونشا تالاسقان ايەل الماتىدا بالادان بولەك تۇرادى ەكەن. ۇلى – ناعاشى اتا-اجەسىندە. زاڭ بويىنشا بالا اتا-انانىڭ بىرىمەن تۇرۋ كەرەك. 3-تاراپقا قالدىرىپ كەتۋ – زاڭسىزدىققا جاتادى. ءدال وسى جاعدايدا اكەسى بالانى تارتىپ الۋعا دا قۇقىعى بار. الايدا اكەسى تاراپىنان ونداي ارەكەت جاسالىپ جاتقان جوق», – دەپ جازعان زاڭگەر. 

…بىراق قانشا اشۋلانسا دا, ەنەسى, كۇيەۋى قانداي ادام بولسا دا, بالانى تومپەشتەپ, ەنەسىنىڭ قۇلاعىن جىرتقان ادامدى جەرتۆا دەي المايمىن…

ەلگە تانىمال ءبىر كوۋچتىڭ كۋرسىنا قاتىسىپ, “مەن سەندەردىڭ كۇڭدەرىڭ ەمەسپىن, تاماق ىستەمەيمىن, كۇيەۋىمنىڭ ناسكيىن جۋمايمىن” دەپ شىققانى دا بار ەكەن. ونى جازبادىم. تەك ءوز كوزىممەن كورگەنىمدى باياندادىم. كوۋچسىماقتار دا اقشا ءۇشىن قانشا وتباسىنىڭ وبالىنا قالدى, نەگىزى..قالعاندارىندا شارۋام جوق. اسحاتپەن قويان-قولتىق ارالاسپاعاسىن, قانداي ادام ەكەنىنە باعا دا بەرە المايمىن. ايتارىم-نە دەسەڭىزدەر دە, ازامات ەكەن. ايەلى قانشا كۇيە جاقسا دا, باياعى ۆيدەولاردى جاريالامادى. مەن بىرنەشە رەت “جاريالاڭىز, سوندا ءسىزدى قارالاپ جاتقانداردىڭ كوزى جەتەدى” دەپ ايتتىم. زاتىم ايەل عوي) مەن بولعاندا, شىداماي, ءبارىن جاريالار ەدىم. ءالى جاريالامادى. “وتباسىمنىڭ ماسەلەسىن ەل الدىندا ەمەس, شەكتەن شىققان نارسەنى ءتيىستى جەردە زاڭمەن شەشەم” دەدى. ساۋاتتى ادامنىڭ ارەكەتى وسىنداي بولادى. قانشا جالا جاپسا دا, بالاسىنىڭ اناسىنىڭ ەل الدىندا پلينتۋستان تومەن تۇسۋىنە جول بەرمەدى.

سونىمەن قاتار, لءاززات احاتوۆا جەلىدەگى كەز كەلگەن قاۋوسەتكە سەنىپ, ءارتۇرلى اڭگىمە تاراتپاۋ كەرەگىن ناقتىلادى. حالىقتىڭ الدىنا شىعىپ, كوز جاسىن كول قىلعانداردىڭ ءبارى «قۇربان» ەمەس دەپ قورىتىندىلادى:

“جىلتىراعاننىڭ ءبارى التىن ەمەس…”. سول سياقتى جىلاپ, سۇقبات بەرگەننىڭ ءبارى – “قۇربان” ەمەس.. باستىسى – بۇكىل “الەم” قۇتقاراتىنداي, ەشكىمنىڭ ومىرىنە قاۋىپ ءتونىپ تۇرعان جوق. قاۋىپ تونسە, ۆيدەوفيكساتسيا جاساسىن, سوزدەرىن دالەلمەن نەگىزدەسىن. “قىرىق جىل” بۇرىنعى ۇيىنە ورناتىلعان كامەرا – ادام ومىرىنە تونگەن قاۋىپكە جاتپايدى. ەكى بولەك كەتكەندەرىنە 5 جىل بولعان. قازىر قانداي قاۋىپ ءتونىپ تۇر, ايەلگە? كوشەدەن ۇستاپ الىپ, تىنىشتىق بەرمەي, تاياقتاپ, ۇرىپ-سوعىپ جاتسا, ەشكىم ءۇنسىز وتىرمايدى. ونداي جاعداي بولسا, ەڭ ءبىرىنشى ايەلدى قورعاپ, مەن شىعار ەدىم», – دەيدى ءلاززات احاتوۆا.

ەسكە سالا كەتەيىك,  اسحات سادىربايدىڭ ەكىنشى ايەلى ايعانىم بولاتقىزى Kyn.kz YouTube ارناسىنا سۇحبات بەرىپ, بۇرىنعى كۇيەۋىنەن كورگەن قورلىقتارى تۋرالى ايتىپ بەردى.

ول ەكەۋىنىڭ 5 جىل بۇرىن اجىراسىپ كەتكەنىن, الايدا ەكس-كۇيەۋى ءالى كۇنگە دەيىن نە وزىنە, نە اكە-شەشەسىنە, تۋىستارىنا مازا بەرمەي كەلەتىنىن جەتكىزدى.

«اسحات جول اپاتىنان سوڭ, ءبىراز قالادا تۇرىپ, ءبىز اۋىلعا كەتتىك. كەيىننەن ول بالداقپەن جۇرە باستادى. مەن بالانى ەمىزىپ جاتقاندا ەنەم اسحاتقا بارىپ, «بالانى بەرمەي جاتىر» دەگەن. سول كەزدە اسحات كەلىپ بالداعىمەن مەنى ۇراتىن», – دەيدى ول.